લંડનઃ મહિલાઓની વન-ડે ક્રિકેટમાં સૌથી વધુ 7,805 રન બનાવનાર ભારતની મિતાલી રાજ (Mithali Raj)ને રવિવારે લૉર્ડ્સ (LORD’S)માં પ્રતિષ્ઠિત બેલ (bell) વગાડવાનું ગૌરવ પ્રાપ્ત થયું હતું. ભારત-ઇંગ્લૅન્ડ વચ્ચેની ત્રીજી ટેસ્ટ પહેલાં મિતાલીને આ સન્માન મળ્યું હતું. આ મૅચના પ્રથમ દિવસે સચિન તેન્ડુલકરને બેલ વગાડવાનું આમંત્રણ મળ્યું હતું.
બીજા દિવસે ઇંગ્લૅન્ડના ભૂતપૂર્વ કૅપ્ટન ઍન્ડ્રયુ સ્ટ્રાઉસના ચૅરિટી ફાઉન્ડેશનની ઇવેન્ટ નિમિત્તે તેના બાળકોને આ બેલ વગાડવાનું ઇન્વિટેશન અપાયું હતું અને શનિવારના ત્રીજા દિવસે ચેતેશ્વર પુજારાને એ ગૌરવ મળ્યું હતું.
મિતાલી 42 વર્ષની છે. તે નિવૃત્ત થઈ ચૂકી છે. ભારત વતી તે છેલ્લે 2022માં વન-ડે રમી હતી. એ મૅચ ક્રાઇસ્ટચર્ચમાં સાઉથ આફ્રિકા સામે રમાઈ હતી જેમાં તેણે 68 રન કર્યા હતા. મિતાલીએ 1999માં લોર્ડ્સમાં પહેલી વાર પગ મુક્યો એ સમયને યાદ કરીને ગર્વ અનુભવ્યો હતો.
આ પણ વાંચો…હું લૉર્ડસની ઐતિહાસિક બેલ વગાડતી વખતે નર્વસ હતોઃ પુજારા
