દ્રવિડ રાજસ્થાન રૉયલ્સના કોચિંગ કૅમ્પમાં કેમ ગેરહાજર છે જાણો છો?
બેન્ગલૂરુઃ બાવીસમી માર્ચે શરૂ થનારી આઇપીએલ માટે રાજસ્થાન રૉયલ્સ (આરઆર)ની ટીમે પ્રૅક્ટિસ માટે કૅમ્પ શરૂ કર્યો છે, પણ એમાં હેડ-કોચ રાહુલ દ્રવિડની ગેરહાજરી છે. એનું કારણ એ છે કે બેન્ગલૂરુમાં ક્રિકેટ રમતી વખતે દ્રવિડને પગમાં ઈજા થઈ હતી જેને લીધે તે પછીથી ટીમ સાથે જોડાશે.
સોશિયલ મીડિયામાં રાજસ્થાન રૉયલ્સની પોસ્ટમાં આ જાણકારીને સમર્થન અપાયું હતું.
Head Coach Rahul Dravid, who picked up an injury while playing Cricket in Bangalore, is recovering well and will join us today in Jaipur pic.twitter.com/TW37tV5Isj
— Rajasthan Royals (@rajasthanroyals) March 12, 2025
આરઆરની પોસ્ટમાં દ્રવિડનો ફોટો પણ છે જેમાં તેનો ડાબો પગ પ્લાસ્ટરમાં જોવા મળે છે.
ફ્રૅન્ચાઇઝીએ આપેલી જાણકારી મુજબ થોડા દિવસ પહેલાં દ્રવિડને આ ઈજા થઈ હતી, પણ હવે તે સાજો થઈ રહ્યો છે અને જયપુરમાં ટીમ સાથે જોડાવાની તૈયારીમાં છે.
દ્રવિડના કોચિંગમાં ભારતે 2024માં ટી-20નો વર્લ્ડ કપ જીતી લીધો ત્યાર બાદ દ્રવિડે આરઆર સાથે કરાર કર્યા હતા.
સંજુ સૅમસન રાજસ્થાન રૉયલ્સનો કૅપ્ટન છે અને આ ટીમમાં 13 વર્ષનો વૈભવ સૂર્યવંશી પણ સામેલ છે. તેને આ ફ્રૅન્ચાઇઝીએ હરાજીમાં 1.10 કરોડ રૂપિયામાં મેળવ્યો હતો.
