આઇપીએલમાં `રૉબોટ-ડૉગ’ની ધમાલ, જાણો ધોનીએ મજાકમાં તેની સાથે શું કર્યું…
પાકિસ્તાનની ક્રિકેટ લીગમાં `ફ્લાઇંગ મૅન' સૌનું મનોરંજન કરે છે
નવી દિલ્હીઃ ઇન્ડિયન પ્રીમિયર લીગ (IPL-2025)માં આ વખતે હાઇ-સ્કોરિંગ મૅચો બહુ નથી જોવા મળી, પણ સાધારણ સ્કોર્સ વચ્ચે પણ અનેક મુકાબલા દિલધડક જરૂર થયા છે અને એ રીતે સ્ટેડિયમોમાં પ્રેક્ષકોને તેમ જ ટીવી પર આઇપીએલ માણતાં કરોડો દર્શકોને ભરપૂર મનોરંજન મળ્યું છે. આ ક્રિકેટ-કમ- એન્ટરટેઇનિંગ ટૂર્નામેન્ટને વધુ રોમાંચક બનાવવા સત્તાધીશોએ રૉબોટ-ડૉગ (ROBOT-DOG)ને મેદાન પર દોડતો કર્યો છે. મેદાન પર ખેલાડીઓ આ રૉબોટ-ડૉગને મળ્યા’ એમાં મહેન્દ્રસિંહ ધોનીની તેની સાથેની મુલાકાત ખાસ હતી.
— Bhuvan (@bhuvanChari007) April 14, 2025
બીજી તરફ, પાકિસ્તાન ક્રિકેટમાં ફ્લાઇંગ-મૅન (FLYING MAN)ની ચકચાર છે. વાત એવી છે કે ન્યૂ ઝીલૅન્ડના ભૂતપૂર્વ ક્રિકેટર અને કૉમેન્ટેટર ડૅની મૉરિસને આઇપીએલ દ્વારા સોંપવામાં આવેલી જવાબદારી મુજબ રૉબોટિક-ડૉગને મેદાન પર મૂક્યો હતો. મૉરિસને રમૂજ ફેલાવતાં કહ્યું,નજીકના ભવિષ્યમાં આ રૉબોટિક-ડૉગ બ્રૉડકાસ્ટ ટીમમાં પણ જોડાઈ જશે.
મૉરિસને મજાકિયા નિવેદનમાં એવું પણ કહ્યું કે આ અનોખો ડૉગ ચાલી શકે છે, દોડી શકે છે, બધાને અભિનંદન આપી શકે છે અને સૌથી વિશેષ વાત એ છે કે આ પાળેલો ડૉગ છે. એમ છતાં મેદાન પર આ ફરી રહ્યો હોય ત્યારે કોઈએ તેની નજીક જવું નહીં.
રૉબોટ-ડૉગ સૌથી પહેલાં રવિવાર, 13મી એપ્રિલે પાટનગર દિલ્હીમાં મુંબઈ ઇન્ડિયન્સ (MI) અને દિલ્હી કૅપિટલ્સ (DC) વચ્ચેની મૅચ વખતે મેદાન પર સક્રિય કરવામાં આવ્યો હતો. આ અનોખા શ્વાને માથું આમતેમ ફેરવીને ખેલાડીઓને મૂંઝવી નાખ્યા હતા અને પ્રેક્ષકો તો પાગલ જ થઈ ગયા હતા. પ્રેક્ષકોએ આ ડૉગની મૂવમેન્ટ જોઈને બૂમો પાડી હતી અને સ્ટેડિયમ ગૂંજવી નાખ્યું હતું. દિલ્હી સામેની મૅચ વખતે મુંબઈના કૅપ્ટન હાર્દિક પંડ્યાએ ઉત્સુકતા સાથે રૉબોટ-ડૉગને અભિનંદન આપીને મેદાન પર તેનું સ્વાગત કર્યું હતું. દિલ્હીનો સુકાની અક્ષર પટેલ થોડો મૂંઝાયેલો હતો, જ્યારે મુંબઈના બોલર રીસ ટૉપ્લી ચોંકી જવાની સાથે આનંદિત થઈ ગયો હતો.
સોમવારે લખનઊમાં લખનઊ સુપર જાયન્ટ્સ (એલએસજી) સામેની મૅચમાં ચેન્નઈ સુપર કિંગ્સનો કૅપ્ટન એમએસ ધોની (MS DHONI) પ્રૅક્ટિસ-સેશન દરમ્યાન મેદાન પર ઊતર્યો ત્યારે રૉબોટ-ડૉગ સામેથી આવી રહ્યો હતો. ધોનીએ મજાકમાં તેને ઊંચકીને ઊંધો પાડી દીધો હતો જેથી એ ડૉગ આગળ વધી જ નહોતો શક્યો. મેદાન પર પ્રૅક્ટિસ કરી રહેલા ખેલાડીઓ અને સ્ટેડિયમમાંના પ્રેક્ષકો ધોનીની આ મજાકથી ખૂબ હસ્યા હતા. ધોની આગળ વધ્યો ત્યાર બાદ ટેક્નિકલ સ્ટાફના સભ્યોએ દોડી આવીને રૉબોટ-ડૉગને અસલ સ્થિતિમાં ઊભો કરી દીધો અને એ ડૉગ પાછો આગળ વધ્યો હતો.
पाकिस्तान वाले कुछ अलग ही करते है।
Jetpack suit पहना कर आदमी उड़ा कर PSL का Ceremony कर दिए pic.twitter.com/yYp1tg7Egz— Er. Vivek yadav (@BihariEng21) April 13, 2025
પાકિસ્તાન સુપર લીગ (પીએસએલ) ચાલી રહી છે અને એમાં પાકિસ્તાન ક્રિકેટ બોર્ડે ટેક્નિકથી બનાવેલા ફ્લાઇંગ-મૅનને પ્રેક્ષકો અને ટીવી-દર્શકોના મનોરંજન માટે ઓપનિંગ સેરેમની સાથે સ્ટેડિયમોમાં ઊડતો’ કર્યો છે. યુએઇમાં `ફ્લાઇંગ-મૅન’ હવે કોઈ નવી વાત નથી અને એવું મનાય છે કે પાકિસ્તાને ત્યાંથી જ આ ટેક્નિક (સૌથી આધુનિક માનવ-સંચાલિત ફ્લાઇંગ સિસ્ટમ) મેળવી છે. 1,500 હોર્સપાવરવાળા આ ફ્લાઇંગ-મૅન સાથે સાત માઇક્રોજેટ ટર્બાઇન જોડાયેલા છે જેને લીધે એ કલાકે 80 માઇલની ઝડપે ઉડી શકે છે.
આપણ વાંચો : MS Dhoniને લાગી ગઈ છે આ ડ્રિંકની લત, ખુદ કરી કબૂલાય, કેમે ય કરીને છૂટતી જ નથી…