આઇપીએલની ટીમોના હેડ-કોચને કેટલો પગાર મળે છે, જાણી લો…

નવી દિલ્હીઃ ઇન્ડિયન પ્રીમિયર લીગ (IPL)માં મોટા ભાગના નવા (ઊભરતા) ખેલાડીઓને લાખો રૂપિયામાં અને અનુભવીઓને તેમ જ નજીકના ભૂતકાળમાં કંઈક અસાધારણ પર્ફોર્મ કરી ચૂક્યા હોય એવા ખેલાડીઓને કરોડો રૂપિયામાં ફી મળતી હોય છે અને એ હરાજીમાં ખુલ્લેઆમ જાહેર કરાતું હોય છે, પરંતુ આ જ ખેલાડીઓને શાનદાર કારકિર્દી બનાવવામાં ચાવીરૂપ ભૂમિકા ભજવતા હેડ-કોચ (HEAD-COACH)ને આઇપીએલની એક સીઝન રમવાનું કેટલું મહેનતાણું મળતું હોય છે એ ક્યારેય જાહેર નથી થતું.

તો ચાલો, આજે આપણે આઇપીએલ-2025ની સીઝનની દસ ટીમના હેડ-કોચને (એક સીઝનનો) કેટલો પગાર મળે છે એ જાણી લઈએ.

10 ફ્રૅન્ચાઇઝીઓના હેડ-કોચના પગારને લગતી જાણકારી સોશિયલ મીડિયામાં એક પોસ્ટ પરથી મળી છે જેમાં જણાવાયું છે કે દસ ટીમમાં સૌથી વધુ પાંચ-પાંચ કરોડ રૂપિયાનો પગાર (SALARY) રાજસ્થાન રૉયલ્સના રાહુલ દ્રવિડને અને ચેન્નઈ સુપર કિંગ્સના સ્ટીફન ફ્લેમિંગને મળે છે.

સૌથી ઓછો દોઢ કરોડ રૂપિયાનો પગાર દિલ્હી કૅપિટલ્સ ગુજરાતી હેડ-કોચ હેમાંગ બદાણીને અપાઈ રહ્યો છે.
દસમાંથી ચાર હેડ-કોચ ભારતીય અને છ કોચ વિદેશી છે. ભારતીય હેડ-કોચમાં રાહુલ દ્રવિડ, ચંદ્રકાન્ત પંડિત, આશિષ નેહરા અને હેમાંગ બદાણીનો સમાવેશ છે.

કઈ ટીમના હેડ-કોચનો કેટલો પગાર?