નવી દિલ્હીઃ ભારતની મહિલા ક્રિકેટરોની ટીમ રવિવારે પહેલી વાર વર્લ્ડ કપ જીત્યા બાદ પાટનગર દિલ્હી પહોંચી છે જ્યાં વડા પ્રધાન નરેન્દ્ર મોદી સાથે તેમની મુલાકાત થશે. હરમનપ્રીત કૌરના સુકાનમાં ભારતીય મહિલા ટીમે નવો ઇતિહાસ સર્જ્યો એ બદલ પીએમ તેમનું બહુમાન કરશે અને તેમની ભરપૂર પ્રશંસા કરશે.
મહિલા ટીમ (Indian women’s team)નું પાટનગરમાં ઢોલ-નગારાથી સ્વાગત કરવામાં આવ્યું હતું. દિલ્હી આવતાં પહેલાં ટીમની બસમાં જ તેઓ હેડ-કોચ અમોલ મુઝુમદાર તથા અન્યો સાથે વિશ્વ વિજેતાપદનો આનંદ માણવામાં મશગૂલ હતી.
Champions on board, ft. #WomenInBlue
— BCCI Women (@BCCIWomen) November 5, 2025
A special edition of with our #CWC25 winning team as they touchdown in New Delhi #TeamIndia | #Champions pic.twitter.com/KIPMDYegJI
ભારતીય ટીમે ટીમના વર્લ્ડ ચૅમ્પિયનપદ બદલ તૈયાર કરવામાં આવેલી કેક કટ કરી હતી. ભારતીય ટીમે મહિલા વર્લ્ડ કપના બાવન વર્ષના ઇતિહાસમાં પહેલી વાર ટાઇટલ જીતી લીધું છે. રવિવારે નવી મુંબઈની ફાઇનલમાં તેમણે સાઉથ આફ્રિકાને બાવન રનથી હરાવ્યું હતું.
આ પણ વાંચો: ભારતીય મહિલા ક્રિકેટરોનું ઐતિહાસિક વિશ્વ વિજેતાપદ દેશમાં કેવી સકારાત્મક અસર કરી શકે, કેવા ફેરફારો લાવી શકે?
વડા પ્રધાન મોદી (PM MODI) માટે આ ચૅમ્પિયન ટીમ ખાસ ભેટ પણ લાવી છે એવું એક અહેવાલમાં જણાવવામાં આવ્યું હતું. પ્લેયર ઑફ ધ ટૂર્નામેન્ટનો પુરસ્કાર હાંસલ કરનાર ઑલરાઉન્ડર દીપ્તિ શર્માએ કહ્યું હતું કે ` અમારી આખી ટીમ એક એવી ભેટસોગાદ લાવી છે જે વડા પ્રધાન મોદીને આપવામાં આવશે.’ આ ભેટ તમામ ખેલાડીઓના ઑટોગ્રાફવાળી જર્સી હોઈ શકે અથવા બૅટ પણ હોઈ શકે.
