બુધવારે બીજી વન-ડે પણ જીતીને ભારત ટેસ્ટની નામોશી ભુલાવશે

Ajay Motiwala 2nd December 2025 at 10:57 PM

બુધવારે બીજી વન-ડે પણ જીતીને ભારત ટેસ્ટની નામોશી ભુલાવશે

રાયપુરઃ સાઉથ આફ્રિકા સામેની ટેસ્ટ-શ્રેણી 0-2થી હાર્યા બાદ ભારતે આ જ દેશ સામેની વન-ડે સિરીઝની પહેલી રોમાંચક વન-ડે (one day) રવિવારે રાંચીમાં 17 રનથી જીતી લીધી ત્યાર બાદ હવે રાયપુરમાં બુધવાર, ત્રીજી ડિસેમ્બરે (બપોરે 1.30 વાગ્યાથી) બીજી મૅચ છે જે જીતીને ટીમ ઇન્ડિયા 2-0થી વિજયી સરસાઈ મેળવી લેવા કોઈ કસર બાકી નહીં રાખે.

ભારત (India) કદાચ રવિવારની વિનિંગ ટીમ જાળવી રાખશે એવું અનુમાન છે. જોકે સાઉથ આફ્રિકાની ટીમ પ્રથમ મૅચમાં પછડાટ ખાઈ ચૂકી હોવાથી પ્લેઇંગ-ઇલેવનમાં ફેરફાર કરશે એવી ધારણા છે.

આ પણ વાંચો: વિરાટ કોહલીએ યશસ્વી જયસ્વાલની હેરસ્ટાઈલની કરી મજાક, જુઓ વાયરલ વીડિયો

બૅટિંગમાં ચોથા-પાંચમા સ્થાને અનુક્રમે ઋતુરાજ ગાયકવાડ અને વૉશિંગ્ટન સુંદરને રવિવારે અજમાવ્યા હતા અને એમાં લગભગ ફેરફાર નહીં કરવામાં આવે એવી સંભાવના છે.