સંજુ સેમસને ફટકારી તાબડતોડ સદી, રોહિત શર્માનો તોડ્યો રેકોર્ડ…

IND vs BAN, 3rd T20: ભારત અને બાંગ્લાદેશ વચ્ચે ત્રણ મેચની સીરિઝની અંતિમ ટી20 હૈદારાબાદના રાજીવ ગાંધી સ્ટેડિયમમાં રમાઈ રહી છે. મેચમાં ભારતીય ટીમના કેપ્ટન સૂર્યકુમારે ટોસ જીતીને બેટિંગનો ફેંસલો કર્યો હતો. ભારતે 20 ઓવરમાં 6 વિકેટના નુકસાન પર 297 રન બનાવયા હતા. સંજુ સેમસને માત્ર 40 બોલમાં 100 રન ફટકાર્યા હતા. આ તેના ટી20 આંતરરાષ્ટ્રીય કરિયરની પ્રથમ સદી હતી. સદી દરમિયાન તેણે રોહિત શર્માનો મોટો રેકોર્ડ તોડ્યો હતો. સંજુ સેમસન 47 બોલમાં 111 રનની વિસ્ફોટક ઈનિંગ રમીને આઉટ થયો હતો. તેણે પોતાની આ ઇનિંગમાં 8 સિક્સર અને 11 ફોર મારી હતી.

આ પણ વાંચો : રિષભ પંતની મિડનાઈટ પોસ્ટે મચાવ્યો ઈન્ટરનેટ પર ખળભળાટ

T20I માં ભારત માટે એક ઓવરમાં સૌથી વધુ રન

સેમસને રિશાદ હોસનની ઓવરમાં સળંગ 5 સિક્સર ફટકારી હતી. આ ઓવરમાં કુલ 30 રન આવ્યા હતા. જેની સાથે તેણે રોહિત શર્માને પાછળ રાખી દીધો હતો. રોહિત શર્માએ આ વર્ષે સેન્ટ લુસિયામાં મિશેલ સ્ટાર્કની ઓવરમાં 30 રન બનાવ્યા હતા.

સૌથી ઝડપી T20I સદી

બાંગ્લાદેશ સામેની ટી-20 સિરીઝમાં 2-0થી વિજયી સરસાઈ મેળવી ચૂકેલી ટીમ ઇન્ડિયાએ અહીં ત્રીજી અને છેલ્લી મૅચમાં ટૉસ જીત્યા બાદ બૅટિંગ પસંદ કરી હતી. કૅપ્ટન સૂર્યકુમાર યાદવે પહેલા બૅટિંગ કરવાનો નિર્ણય લીધા બાદ ‘હૅપી દશેરા’ કહીને સૌને હૈદરાબાદના મેદાન પરથી શુભેચ્છા પાઠવી હતી. ઇલેવનમાં પેસ બોલર અર્શદીપ સિંહના સ્થાને વધારાના સ્પિનર તરીકે રવિ બિશ્નોઈને ટીમમાં સમાવવામાં આવ્યો છે.

આ પણ વાંચો : બુમરાહ ન્યૂ ઝીલૅન્ડ સામે વાઇસ-કૅપ્ટન, પણ ઑસ્ટ્રેલિયા સામે પહેલી ટેસ્ટમાં કૅપ્ટન?

ભારતની પ્લેઇંગ ઇલેવનઃ સૂર્યકુમાર યાદવ, સંજુ સૅમસન (વિકેટકીપર), અભિષેક શર્મા, નીતિશ કુમાર રેડ્ડી, હાર્દિક પંડ્યા, રિયાન પરાગ, રિન્કુ સિંહ, વૉશિંગ્ટન સુંદર, વરુણ ચક્રવર્તી, રવિ બિશ્નોઈ અને મયંક યાદવ