લંચ વખતે ભારતના બે વિકેટે 10 રન, હવે 124 રનનો લક્ષ્યાંક પણ મુશ્કેલ લાગી રહ્યો છે
કોલકાતા: આજે અહીં ત્રીજા દિવસે વર્લ્ડ ચેમ્પિયન સાઉથ આફ્રિકાએ પહેલી ટેસ્ટ જીતવા માટે 124 રનનો નાનો લક્ષ્યાંક આપ્યા પછી ટીમ ઇન્ડિયા લંચ સુધીમાં 10 રનમાં બે વિકેટ ગુમાવીને મુશ્કેલીમાં મુકાઈ ગઈ હતી.
124 રનનો ટાર્ગેટ છે તો સાવ સાધારણ, પણ પેસ બોલરને સારા સ્વિંગ મળતા હોવાથી અને સ્પિનરને સારા ટર્ન અપાવતી ઈડન (Eden) ગાર્ડન્સની પિચ પર ભારતીય બેટ્સમેનોએ જીતવા માટે કપરી કસોટી આપવી પડશે. કેપ્ટન ગિલ ગરદનની ગંભીર ઈજાને કારણે બૅટિંગ નહીં કરી શકે. એ જોતાં કાર્યવાહક સુકાની રિષભ પંત અને સૌથી સિનિયર ખેલાડી રવીન્દ્ર જાડેજા પર મોટો બોજ આવી ગયો છે.
Innings Break!
— BCCI (@BCCI) November 16, 2025
wickets for Ravindra Jadeja
2⃣ wickets each for Kuldeep Yadav and Mohd. Siraj
wicket each for Axar Patel and Jasprit Bumrah#TeamIndia have been set a target of runs to win the st Test
Scorecard https://t.co/okTBo3q069 #INDvSA |… pic.twitter.com/xPxfeT8urM
યશસ્વી જયસ્વાલ બીજા દાવના ચોથા જ બૉલ પર કૅચઆઉટ થયો હતો. ફાસ્ટ બોલર માર્કો યેનસેનના ઑફ સ્ટમ્પની બહાર જતા બૉલને અડવા જતાં તે વિકેટકીપર કાઇલ વેરાઇનને આસાન કૅચ આપી બેઠો હતો. કે. એલ. રાહુલે પણ એક રન કર્યા બાદ યેનસેનના બૉલ પર વિકેટકીપરને કૅચ આપી દીધો હતો. સુંદર અને જુરેલ ક્રીઝમાં હતા. વધુ વિકેટ પડશે તો 124 રનનો ટાર્ગેટ મેળવવો મુશ્કેલ બની જશે.
સાઉથ આફ્રિકા (South Africa)ની ટીમ બીજા દાવમાં 153 રન પર આઉટ થઈ હતી. જાડેજાએ સૌથી વધુ ચાર વિકેટ લીધી હતી. કુલદીપ-સિરાજે બે-બે તથા બુમરાહ-અક્ષરે એક-એક વિકેટ લીધી હતી.
કેપ્ટન ટેમ્બા બવુમા 55 રને અણનમ રહ્યો હતો. તેની અને કોર્બીન બોશ્ચ (25 run) વચ્ચે 79 બૉલમાં બનેલી 44 રનની ભાગીદારી ભારતને ભારે પડી રહી છે.
