પૅરિસ ઑલિમ્પિક્સમાં ગોલ્ડ મેડલ જીતનાર મહિલા હકીકતમાં છે પુરુષ!
પૅરિસઃ અલ્જિરિયાની ઇમેન ખેલિફ નામની ઍથ્લીટે મહિલા તરીકે તાજેતરની પૅરિસ ઑલિમ્પિક્સમાં બૉક્સિંગનો ગોલ્ડ મેડલ જીતી લીધો હતો, પરંતુ એ સ્પર્ધા વખતે તે ચર્ચાસ્પદ થઈ જ હતી અને હવે તો તેના નામ પર વધુ વિવાદ થઈ શકે એમ છે. કારણ એ છે કે તે પુરુષ હોવાનું લીક થયેલા તબીબી અહેવાલોને આધારે પુરવાર થઈ રહ્યું છે.
જેન્ડર વિવાદ વચ્ચે ઑલિમ્પિક્સમાં મુક્કાબાજીના અખાડામાં ઉતરનાર ખેલિફે મહિલા તરીકે મુક્કાબાજીની એ સ્પર્ધામાં ભાગ લીધો શા માટે? અને તેને શા માટે મહિલા તરીકે ભાગ લેવાની પરવાનગી અપાઈ? એવા સવાલો ઊભા થઈ રહ્યા છે.
ફ્રાન્સના જાફર ઑડિયા નામના પત્રકારને આ મેડિકલ રિપોર્ટની કૉપી મળી છે જેમાં એવો સંકેત અપાયો છે કે ખેલિફમાં પુરુષ જેવો જાતીય વિકાસ થયો છે. તેની જાતીયતા વિશે હવે વધુ તપાસ થશે.
આ પણ વાંચો : ભારતના ઑસ્ટ્રેલિયા-પ્રવાસ વિશે સુનીલ ગાવસકરે કરી મોટી ભવિષ્યવાણી
તબીબી અહેવાલમાં એવું પણ જણાવાયું છે કે ખેલિફમાં આંતરિક અંડકોષ અને એકસવાય ગુણસૂત્રો છે જે તે પુરુષ હોવાનું સાબિત કરે છે. તેની એ શારીરિક સ્થિતિ ફાઇવ-અલ્ફા નામના અપૂરતા રિડક્ટેસ નામના વિકાર તરફ પણ ઇશારો કરે છે.
