હાર્દિક-પ્રેમી પ્રેક્ષકોનો ધાર્યા કરતાં વધુ ધસારો થતાં મૅચ બીજા મેદાન પર રાખવી પડી!
હૈદરાબાદઃ સામાન્ય રીતે ક્રિકેટ મૅચ વખતે પ્રેક્ષકોનો ધસારો થાય તો એ સંબંધિત સ્ટેડિયમ માટે સારી વાત કહેવાય, કારણકે મોટી સંખ્યામાં લોકો મૅચ જોવા આવવાને લીધે આયોજકોને આવક થાય અને ક્રિકેટોત્સવને લીધે એ વિસ્તાર પણ ધમધમી ઉઠે, પરંતુ ગુરુવારે હૈદરાબાદ (Hyderabad)માં જે કંઈ બન્યું એ અનોખું જ હતું. પ્રેક્ષકોનો ધસારો થતાં બરોડા (Baroda) અને ગુજરાત (Gujarat) વચ્ચેની સૈયદ મુશ્તાક અલી ટ્રોફી (SMAT)ની મૅચ બીજા મેદાન પર રાખવી પડી હતી. સૌથી મોટું કારણ એ છે કે આ મૅચમાં બરોડા વતી હાર્દિક પંડ્યા રમવાનો હતો.
આયોજકોએ આ મૅચ માટે ઓછું જાણીતું જિમખાના ગ્રાઉન્ડ નક્કી કર્યું હતું. જોકે આયોજકોએ ધાર્યું હતું એના કરતાં ઘણી મોટી સંખ્યામાં પ્રેક્ષકો હાર્દિકને જોવા આવી ગયા હતા, ટીમની હોટેલની આસપાસ પણ ક્રિકેટપ્રેમીઓ ચક્કર લગાવવા લાગ્યા હતા, પ્રૅક્ટિસ વખતે પણ ઘણા લોકો સ્ટેડિયમમાં આવી પહોંચ્યા હતા અને ટિકિટ કાઉન્ટર્સ પર લાંબી લાઇનો લાગી ગઈ હતી.
A Cute moment between Hardik pandya and Ravi Bishnoi
— Sawai96 (@Aspirant_9457) December 4, 2025
Ravi got the wicket of hardik 10(6) pandya in smat today
Gujrat was allout for 73 and baroda chased it with 8 wickets in hand
Ravi took both wickets after taking 3/13 in last game pic.twitter.com/FR9s8EV3h8
આ બધું જોઈને આયોજકોએ બરોડા-ગુજરાત મૅચનું સ્થળ બદલીને ખેલાડીઓ માટે વધુ સલામત રાજીવ ગાંધી ઇન્ટરનૅશનલ સ્ટેડિયમમાં આ મૅચ રાખી દીધી હતી.
જોકે આ મૅચમાં પણ બરોડા જીત્યું હતું, પરંતુ હાર્દિક મંગળવાર જેવું પર્ફોર્મ નહોતો કરી શક્યો. મંગળવારે હાર્દિકે પંજાબ સામે એક વિકેટ લીધા બાદ મૅચ-વિનિંગ 77 રન કર્યા હતા. ગુરુવારે હાર્દિક એક જ વિકેટ લઈ શક્યો હતો અને પછીથી 10 રનના પોતાના સ્કોર પર ગુજરાતના સ્પિનર રવિ બિશ્નોઈના બૉલમાં અર્ઝાન નાગવાસવાલાને કૅચ આપી બેઠો હતો અને હાર્દિક પોતાની વિકેટ લેનાર બોલર બિશ્નોઈને ભેટીને પાછો આવ્યો હતો.
