યુઝવેન્દ્ર ચહલ સાથે ડિવોર્સની અફવા વચ્ચે આ ક્યાં પહોંચી ધનશ્રી!
ધનશ્રી વર્મા આજકાલ તેની પર્સનલ લાઇફ માટે ચર્ચામાં છે. ચારે બાજુ તેની અને ભારતીય ક્રિકેટર યુઝવેન્દ્ર ચહલની ડિવોર્સની અફવાઓ ફરી રહી છે. જોકે, આ મુદ્દે કપલે હજી સુધી કંઇ રિએક્ટ નથી કર્યું. એવામાં ધનશ્રી બધુ છોડી કરીને મુંબઇ બહાર જતી રહી છે. એમ જાણવા મળ્યું છે કે તે તેની નાનીના ઘરે ગઇ છે. એણે નાનીના ઘરેથી તેના ફોટા પણ શેર કર્યા છે અને લખ્યું છે કે લાઇટ તમને ઘર સુધી લઇ જશે. હવે એ શું જણાવવા માગે છે એ તો એને જ ખબર., પણ એણે એની સોશિયલ મીડિયા પોસ્ટમાં લખ્યું છે કે થોડા દિવસ પહેલા મને એવું સપનું આવ્યું હતું કે હું મારા નાના નાનીના ઘરમાં છું અને આરામદાયક સમય પસાર કરી રહી છું. સવારે જ્યારે હું જાગી ત્યારે મેં જોયું કે આ તો સપનું હતું.
એણે અગળ લખ્યું છે કે મારા નાના- નાનીનું ઘર મને ઘણી શાંતિ આપે છે. મેં મારુ મોટા ભાગનું બાળપણ અહીં જ વિતાવ્યું છે. હું અહીં જ રહીને મોટી થઇ છું. નાગપુરની ટ્રીપ પ્લાન કરીને મને ઘણી ખુશી થઇ છે. મને મારું બાળપણ ફરીથી જીવવાનો લહાવો મળ્યો છે. મે ંમારા બધા જ સગાસંબંધીઓ સાથએ મુલાકાત કરી છે.
નોંધનીય છે કે ધનશ્રી વર્મા હંમેશા તેના ડાન્સિંગ વીડિયોઝ, ધમાલના વીડિયોઝને કારણે ચર્ચામાં રહેતી હોય છે. ધનશ્રી વર્મા ઇન્સ્ટાગ્રામ પર પણ ઘણી જ એક્ટિવ રહે છે અને તેની જિંદગી સાથે જોડાયેલા અપડેટ્સ શેર કરતી રહે છે.
આ પણ વાંચો : ચક્કર ક્યાં હૈ! યુઝવેન્દ્ર ચહલ હવે આ રિયાલીટી શોમાં જોવા મળશે
વર્ક ફ્રન્ટની વાત કરીએ તો ધનશ્રી વર્મા રિયાલિટી શો ‘ઝલક દિખલા જા’માં જોવા મળી હતી. આ શોમાં તેણે વાઇલ્ડ કાર્ડ એન્ટ્રી લીધી હતી.
