રાંચી: સાઉથ આફ્રિકા સામે શરૂ થયેલી વન-ડે સિરીઝની પ્રથમ મૅચમાં ભારતે બૅટિંગ મળ્યા બાદ ફક્ત 25 રનના સ્કોર પર યશસ્વી જયસ્વાલ (16 બૉલમાં એક સિક્સર અને બે ફોરની મદદથી 18 રન)ની વિકેટ ગુમાવી દીધી હતી, પરંતુ ત્યાર પછી બે દિગ્ગજ ખેલાડીઓ રોહિત શર્મા અને વિરાટ કોહલીએ ટીમની ઇનિંગ્સ મજબૂત બનાવી હતી અને ટીમનો સ્કોર 100 રનને પાર પહોંચાડ્યો હતો.
2006થી અત્યાર સુધીમાં બંને દેશ એકબીજા સામે પાંચ-પાંચ સિરીઝ જીત્યા છે.
આ અહેવાલ લખાઈ રહ્યો હતો ત્યારે કુલ સ્કોર 1/122 હતો. 16 ઓવર પૂરી થઈ હતી. રોહિત 36 બૉલમાં બે સિક્સર, પાંચ ફોરની મદદથી બનેલા 45 રન પર રમી રહ્યો હતો. કોહલીએ 44 બૉલમાં બે સિક્સર અને ચાર ફોરની મદદથી 45 રન કર્યા હતા અને દાવમાં હતો.
ભારતની પ્લેઈંગ ઇલેવનના અન્ય ખેલાડીઓમાં કેપ્ટન કે. એલ. રાહુલ, ઋતુરાજ ગાયકવાડ, વૉશિંગ્ટન સુંદર, રવીન્દ્ર જાડેજા, હર્ષિત રાણા, કુલદીપ યાદવ, અર્શદીપ સિંહ અને પ્રસિદ્ધ ક્રિષ્નાનો સમાવેશ છે.
આપણ વાંચો: આજે મેદાનમાં ઉતરતાની સાથે જ રોહિત-વિરાટની જોડી રચશે ઇતિહાસ! સચિન-દ્રવિડનો આ રેકોર્ડ તૂટશે
