અફઘાનિસ્તાન આ ખેલાડીએ ICC પ્લેયર ઓફ ધ યરનો એવોર્ડ જીતી ઈતિહાસ રચ્યો

મુંબઈ: ખેલાડીઓએ વર્ષ 2024 દરમિયાન કરેલા પ્રદર્શનને આધારે ICC એવાર્ડની જાહેરાત કરવામાં આવી રહી છે. અફઘાનિસ્તાનના અઝમતુલ્લાહ ઉમરઝાઈ(Azmatullah Omarzai )એ ઇતિહાસ રચ્યો છે. અઝમતુલ્લાહ ઉમરઝાઈને ICC ODI ક્રિકેટર ઓફ ધ યર (ICC player of the year) જાહેર કરવામાં આવ્યો છે. પહેલી વાર અફઘાનિસ્તાનના કોઈ ખેલાડીને ICC તરફથી પ્લેયર ઓફ ધ યરનો એવોર્ડ મળ્યો છે.

ગત વર્ષે અઝમતુલ્લાહ ઓમરઝાઈનું પ્રદર્શન:
વર્ષ 2024 માં ઓલરાઉન્ડર અઝમતુલ્લાહ ઓમરઝાઈને બોલ અને બેટથી બંને વિભાગમાં શાનદાર પ્રદર્શન કર્યું હતું, તેણે ઘણી વાર એકલા હાથે ટીમને ઘણી જીતાડી હતી. જેના માટે ICCએ તેનું સન્માન કર્યું છે. અઝમતુલ્લાહ ઉમરઝાઈએ 2024 માં ODI માં 417 રન બનાવ્યા છે અને 17 વિકેટ પણ ઝડપી છે, તેણે ફક્ત 14 ODI મેચોમાં આ પ્રદર્શન કર્યું છે. તેણે 52.12 ની સરેરાશથી રન બનાવ્યા છે અને 20.47 ની સરેરાશથી વિકેટ લીધી છે.

Also read: અફઘાનિસ્તાનમાં ભારે વરસાદના કારણે 40નાં મોત

અઝમતુલ્લાહ ઉમરઝાઈની કારકિર્દી:
અઝમતુલ્લાહ ઉમરઝાઈએ 2021 માં ODI માં ડેબ્યૂ કર્યું હતું. તેણે અત્યાર સુધીમાં 36 ODI રમી છે અને 30 વિકેટ લીધી છે. ઉપરાંત, તેણે 907 રન બન્યા છે. ટી20 આંતરરાષ્ટ્રીય ક્રિકેટમાં, અઝમતુલ્લાહ ઉમરઝાઈએ 47 મેચ રમી છે, જેમાં 31 વિકેટ લીધી છે અને 474 રન બનાવ્યા છે. તેણે અત્યાર સુધી ફક્ત એક જ ટેસ્ટ મેચ રમી છે. રાશિદ ખાનને 2010 ના દાયકાના શ્રેષ્ઠ T20 ક્રિકેટર જાહેર કરવામાં આવ્યો હતો. આ પછી, હવે છેક કોઈ અફઘાનિસ્તાનના કોઈ ખેલાડીને ICC એ એવોર્ડ આપવામાં આવ્યો છે.