બારમાં દારૂ સાથે કેમ સર્વ કરવામાં આવે સોલ્ટેડ કાજુ અને શિંગદાણા? કારણ જાણશો તો ચોંકી ઉઠશો…
બાર હોય કે રેસ્ટોરાં જ્યાં આલ્કોહોલ સર્વ કરવામાં આવે ત્યાં તમને ખ્યાલ હશે તો તેની સાથે મીઠાવાળી શિંગ-ચણા સર્વ કરવાની પરંપરા રહી છે. આ પરંપરા દાયકાઓથી ચાલી આવી છે. દારૂ-મદિરા સાથે સર્વ કરવામાં આવતા આ ખાદ્યપદાર્થોને ચખના તરીકે ઓળખવામાં આવે છે, પરંતું શું તમને ખબર છે કે આખરે આવું કેમ? આ પાછળનું કારણ શું છે? ચાલો આજે તમને આ વિશે જણાવીએ…
બાર કે રેસ્ટોરાંમાં દારૂ સાથે ખારી શિંગ, દાણા પીરસવામાં આવે છે. સમયની સાથે દારૂ અને આલ્કોહોલના જાત-જાતના ટ્રેન્ડ આવ્યા અને ગયા પરંતુ શિંગદાણા, સોલ્ટેડ કાજુ, દાણા તો આજે પણ દારૂ સાથે સર્વ કરવામાં આવે છે. આ વિશે વાત કરતાં વાઈન એક્સપર્ટ સોનલ હોલેન્ડે જણાવ્યું કે આ ટ્રેન્ડ આજે પણ જળવાઈ રહ્યો છે તો એની પાછળ ચોક્કસ કોઈને કોઈ કારણ છે. જેના વિશે આજે આપણે અહીં વાત કરીશું. તમને જાણીને નવાઈ લાગશે કે આ ટ્રેન્ડને કારણે બાર અને રેસ્ટોરાંની આવત વધે છે. હવે તમને થશે કે કઈ રીતે? આ પાછળનું ગણિત શું છે તો સમજીએ આ પાછળની ગણતરીઓ.
સોલ્ડેટ શિંગદાણા કે કાજુ તરસ વધારે છે
બારમાં દારૂ સાથે સર્વ કરવામાં આવતા શિંગદાણા કઈ રીતે બાર કે રેસ્ટોરાંની ગણતરીઓ વધારે છે એની વાત કરીએ તો સોલ્ટેડ કાજુ, શિંગદાણા અને દાણા ખાવાથી સૌથી વધારે તરસ લાગે છે. તરસ લાગે એટલે તમે સૌથી વધારે પાણી અને દારૂ ઓર્ડર કરો છો. સીધી રીતે આને કારણે રેસ્ટોરાં કે બારની કમાણીમાં વધારો થાય છે. જેમ જેમ આ તરસ વધારે છે કે તેમ તેમ તમે વધારે ડ્રિંક્સ ઓર્ડર કરો છો અને આમ તમારું ગજવું હળવું થાય છે અને રેસ્ટોરાંની કમાણીમાં વધારો થાય છે.
ક્રંચ લોકોને વધારે પસંદ હોય છે
વાઈર એક્સપર્ટ સોનલ હોલેન્ડના જણાવ્યા અનુસાર સોલ્ટેડ શિંગદાણા કે કાજુમાં એક ક્રંચ હોય છે અને દારૂ સાથે તેનું કોમ્બિનેશન પણ બેસ્ટ લાગે છે. લોકોની આ આદત અને પસંદ જ રેસ્ટોરાં અને બાર માલિકોને વધારે કમાણી કરાવે છે. આ સિવાય તેમાં ગૂડ ફેટ અને પ્રોટીન હોય છે અને તેનું ગ્લાઈસેમિક ઈન્ડેક્સ પણ ઘટે છે જે બ્લડ શૂગરને કન્ટ્રોલમાં રાખે છે.
હેન્ગ ઓવરની અસર ઘટાડે
શિંગદાણામાં મોટા પ્રમાણમાં પ્રોટીન હોય છે અને તેમાં હેલ્ધી ફેટ હોય છે જેને કારણે શરીરમાં આલ્કોહોલનું અબ્ઝોર્બપ્શન ઘટાડે છે. સરળ શબ્દોમાં જણાવવાનું થાય તો શરીર પર હેન્ગ ઓવરની અસર ઘટાડવામાં આ ચખના મહત્ત્વનો રોલ પ્લે કરે છે. આ પણ એક કારણ છે કે રેસ્ટોરાં અને બારમાં દારૂ સાથે સોલ્ટેડ શિંગદાણા સર્વ કરવામાં આવે છે.
સસ્તુ અને તૈયાર કરવામાં સરળ છે
બાર કે રેસ્ટોરાંચાલકો દ્વારા આને સરળતાથી તૈયાર કરવામાં આવે છે અને એની સાથે સાથે તે એટલું મોંઘું પણ નથી હોતું. આ કારણે પણ બાર અને રેસ્ટોરાંમાં દારૂ સાથે સોલ્ટેડ કાજુ, શિંગદાણા સર્વ કરવામાં આવે છે. આ સિવાય એક વખત આ તૈયાર કરવામાં આવે તો તે લાંબા સમય સુધી ખરાબ નથી થતા અને તેને સ્ટોર કરવું પણ સરળ છે.
ભૂખ વધારે છે
સોલ્ટેડ શિંગદાણા કે કાજુમાં રહેલું મીઠું તરસ વધારવાની સાથે સાથે ભૂખ પણ વધારે છે. દારૂની સાથે સાથે તે ખાવાની વસ્તુઓનો ઓર્ડર પણ વધારે છે. રેસ્ટોરાં ગ્રાહકોને વધારેને વધારે ફૂડ ઓપ્શન્સ સર્વ કરે છે. કસ્ટમર જેટલું વધારે આ ચખના ખાય એટલું તેમની ભૂખ વધે છે અને તેઓ વધુને ઓર્ડર પ્લેસ કરે છે.
છે ને એકદમ કમાલનું ગણિત? રેસ્ટોરાં અને બારમાં દારૂ સાથે પીરસવામાં આવતા સોલ્ટેડ શિંગદાણા અને કાજુ રેસ્ટોરાંમાલિકોની આવકમાં વધારો કરે છે. દેખાવમાં એવું લાગે છે કે તે માત્ર ટાઈમપાસ અને દારુની મજા વધારવા માટે આ ચખના સર્વ કરવામાં આવે છે, પરંતુ આ પાછળનું ગણિત કંઈક અલગ જ છે.
આપણ વાંચો: ધાણાના બીજ કે પાવડર: કોલેસ્ટ્રોલને કંટ્રોલ કરવા માટે કોણ વધુ ફાયદાકારક?
