નાકમાંથી લોહી આવવું એ હોઈ શકે છે હાઈ બ્લડ પ્રેશરનું લક્ષણ…

ઇન્ફેક્શન, શરદી કે અન્ય કોઈ કારણસર નાકમાંથી રક્તસ્રાવ થઈ શકે છે. તે જ સમયે, બ્લડ પ્રેશર વધવાને કારણે પણ લોકોને નાકમાંથી લોહી નીકળવાની સમસ્યા થઈ શકે છે. જ્યારે શરીરમાં બ્લડ પ્રેશર વધે છે, ત્યારે તે નાકની ચેતા પર પણ દબાણ બનાવે છે. જેના કારણે નાકની નસો ફાટી જાય છે અને લોહી નીકળવા લાગે છે.

આ પણ વાંચો : શિયાળામાં જાણી લો મગફળીના આ ફાયદા! પછી બિમારી રહેશે દૂર…

બીપીના દર્દીઓમાં નાકમાંથી લોહી આવવું એ એક ગંભીર લક્ષણ છે જેને અવગણવું જોઈએ નહીં. તે જ સમયે, હાઈ બ્લડ પ્રેશર સ્તરના કેટલાક વધુ ગંભીર લક્ષણો છે જેને લોકો સામાન્ય રીતે અવગણે છે અથવા બ્લડ પ્રેશર સ્તર સાથે સાંકળતા નથી. પરંતુ, તેના પરિણામો ગંભીર હોઈ શકે છે. હાઈ બ્લડ પ્રેશર લેવલના આવા કેટલાક લક્ષણો વિશે જાણીએ.

માથાનો દુખાવા સાથે નાકમાંથી લોહી નીકળવું:-

શિયાળામાં માથાનો દુખાવો સામાન્ય હોય છે. લોકોને શરદી, એલર્જી અને શરદી-તાવના કારણે માથાનો દુખાવો થઈ શકે છે, પરંતુ હાઈ બીપીનું એક મહત્વનું લક્ષણ નાકમાંથી લોહી નીકળવું છે. તેથી, જો તમને ઠંડીમાં નાકમાંથી લોહી નીકળતુ હોય તો તેને અવગણશો નહીં.

ચક્કર આવવાઃ

જ્યારે હાઈ બીપીના દર્દીઓમાં બ્લડ પ્રેશર વધે છે ત્યારે તેમને ચક્કર આવવા લાગે છે અને વ્યક્તિને નબળાઈ પણ લાગવા માંડે છે જેને કારણે તે ક્યારેક પડી પણ જાય છે.

શ્વાસ લેવામાં તકલીફઃ-

બ્લડ પ્રેશર વધવાને કારણે નસો અને ધમનીઓ પર દબાણ વધે છે. તેને કારણે ફેફસામાં ઓક્સિજનનો પુરવઠામાં પણ ઘટાડો થાય છે. આનાથી સામાન્ય રીતે શ્વાસ લેવામાં તકલીફ થઈ શકે છે.

કાનમાં કંઇક અવાજ આવવોઃ-

હાઈ બીપી લેવલને કારણે તમને કાનમાં અલગ-અલગ અવાજ સંભળાય છે. તે ગડગડાટનો અવાજ અથવા ઘંટડી જેવો ઝીણો, તીણો અવાજ હોઈ શકે છે.

આવા બધા લક્ષણોને અવગણવા જોઈએ નહીં