નવરાત્રીના નવ દિવસ ક્યા રંગના ચણિયાચોલી પહેરશો? આ રહી શુભ રંગોની યાદી…

નવરાત્રીની રાહ ખેલૈયાઓ કાગડોળે જોઈ રહ્યા છે. માતાની આરાધના સાથે આ તન મનને થિરકાવવાનો પણ તહેવાર છે. ગુજરાતમાં નવરાત્રીના રંગ કંઈક ન્યારા જ હોય છે.

આ વખતે 22 તારીખથી નવરાત્રી શરૂ થાય છે અને 1લી તારીખે દશેરા ઉજવવામાં આવશે. નવરાત્રીના નવ દિવસ મા શક્તિના નવ રૂપની આરાધના થાય છે. આ દિવસો દરમિયાન રોજ એક શુભ રંગ પહેરવાનુંચલણ મહિલાઓમાં ખાસ છે.

મુંબઈમાં ખાસ કરીને રેલવે સ્ટેશન, લોકલ ટ્રેન કે ઓફિસોમાં મહિલાઓ આ ખાસ રંગના કપડા પહેરીને આવે છે. તમારે પણ આ નવે નવ દિવસ ગરબે ઘુમવા જવાનું છે અને તમારી પાસે પણ રોજના અલગ અલગ ચળિયાચોલી છે, પણ તમે કન્ફ્યુઝ છો કે આજે કયા પહેરવા, તો આ લિસ્ટ તમને કામ આવશે.

પહેલું નોરતું મા શૈલપુત્રીની પૂજા થાય છે, આ દિવસે સફેદ રંગ શુભ રહેશે
બીજા નોરતે બ્રહ્મચારિણીદેવીની પૂજા થાય છે, આ દિવસે લાલ રંગ શુભ રહેશે
ત્રીજું નોરતું મા ચંદ્રઘંટાને સમર્પિત છે, આ દિવસે બ્લ્યુ રંગ પહેરવો
ચોથું નોરતું માતા કુષ્માંડાની પૂજા માટે છે, આ દિવસે પીળો રંગ પહેરવાનો છે
શુક્રવારે પાંચમું નોરતું સ્કંદમાતાની આરાધનાનું છે, આ દિવસે લીલો રંગ પહેરવો શુભ રહેશે
છઠ્ઠા નોરતે કાત્યાયની દેવીની આરાધના કરવાની છે, આ દિવસે રાખોડી રંગ (ગ્રે) પહેરવો
સાતમા નોરતે મા જગદંબાની વંદના કરવાની છે, આ દિવસે નારંગી રંગ શુભ રહેશે
આઠમા નોરતે મહાગૌરીની પૂજા કરવામાં આવે છે, આ દિવસે પિકોક ગ્રીન-રામા શુભ રહેશે
છેલ્લા નોરતે મા સિદ્ધિદાત્રીની પૂજા થાય છે, આ દિવસે ગુલાબી રંગ પહેરવો શુભ રહેશે

આ પણ વાંચો…નવરાત્રિ 2025: ઘટસ્થાપનાનું શુભ મુહૂર્ત ક્યારે છે? જાણો કઈ તિથિએ કયા દેવીની પૂજા કરશો