મોબાઈલ ફોન પર લગાવો આ વોલપેપર અને જુઓ Magic…
મોબાઈલ ફોન આજના સમયની તાતી જરૂરિયાત બની ગઈ છે અને આપણામાંથી ખૂબ જ ઓછા લોકો જાણે છે કે મોબાઈલ ફોનને પોતાના પર્સનાલિટી પ્રમાણે સજાવવાનો નવો ટ્રેન્ડ શરૂ થઈ ગયો છે, જેને કારણે તમે કોઈ પણ વ્યક્તિનો ફોન જોઈને એની પર્સનાલિટીનો અંદાજ લગાવી શકો છો.
આ સિવાય મોબાઈલ ફોનની સ્ક્રીન પર લગાવવામાં આવેલું વોલપેપર ખૂબ મહત્ત્વની ભૂમિકા ભજવે છે. પરંતુ શું તમે જાણો છો કે મોબાઈલ ફોનની સ્ક્રીન પરનું આ વોલપેપર તમારી પ્રગતિનું કારણ પણ બની શકે છે? એટલું જ નહીં પણ આ મોબાઈલ ફોનના વોલપેપરને કારણે ધનવર્ષા પણ થાય છે? ચાલો તમને જણાવીએ…
વાસ્તુશાસ્ત્રમાં આપવામાં આવેલી માહિતી અનુસાર કેટલાક એવા વોલપેપર છે કે જે વોલપેપર જો તમે તમારા મોબાઈલ ફોનની સ્ક્રીન પર લગાવી લેશો તો તેની પ્રગતિના દરવાજા ખૂલી જાય છે, ધનલાભ થાય છે. આવો જોઈએ કયા છે આ વોલપેપર…
⦁ જો તમે મોબાઈલ પર કે લેપટોપ પર કોઈ વ્યક્તિનો પગથિયા ચઢતો ફોટો લગાવીએ તો તેને એની મહેનત પ્રમાણે ફળ મળવા લાગે છે અને એની સાથે સાથે ધનલાભ થવાના રસ્તાઓ પણ ખૂલી જાય છે.
⦁ જો તમારા મનમાં કોઈ વાતને લઈને ચિંતા સતાવી રહી છે તો તમારે તમારા મોબાઈલ ફોન પર વરસાદના ટીપા કે યોગ મુદ્રાનો કોઈ ફોટો લગાવવો જોઈએ. આવું કરવાથી મન તો શાંત થશે જ, પણ એની સાથે સાથે કામમાં પણ ધ્યાન લાગશે.
⦁ લાંબા સમયથી લગ્ન કરવા ઈચ્છુક લોકોની કોઈ કારણ અનુસાર વાત નથી આગળ વધી રહી તો ચિંતા ના કરશો. વાસ્તુ શાસ્ત્રમાં આપવામાં આવેલા માહિતી અનુસાર તમારે આવા સંજોગો ગુલાબના ફૂલનો ફોટો લગાવવો જોઈએ. ગુલાબનો સંબંધ શુક્ર સાથે છે અને શુક્ર એ દાંપત્યજીવનનો કારક છે. પરિણામે લગ્ન થવામાં આવી રહેલાં અવરોધો દૂર થઈ જશે.