ડાયમંડ સફજન ખાધું છે ક્યારેય? એક સફરજનની કિંમતમાં આવી જાય…
હેડિંગ વાંચીને ગૂંચવાઈ ગયા ને? આખરે આ ડાયમંડ સફરજન છે શું અને શા માટે એક સફરજનની કિંમતમાં આખરે કેટલા કિલો સફરજન આવતા હશે, બરાબર ને? તમારા આ બંને સવાલોના જવાબ તમને આર્ટિકલ પૂરો થતાં સુધીમાં મળી જશે. પણ એ પહેલાં તમને જણાવી દઈએ કે આ ખાસ સફરજન ખાવા માટે તમારે પહોંચી જવું પડશે તિબેટ ખાતે.
તિબેટમાં જોવા મળતાં આ ડાયમંડ સફરજને અત્યારે બધાનું ધ્યાન પોતાની તરફ ખેંચ્યું છે. કિંમતની સાથે જ સુંદર આકાર, રંગ અને ખાટા-મીઠા સ્વાદને કારણે આ સફરજનને ફળપ્રેમીઓ ખૂબ જ પસંદ કરી રહ્યા છે. આ એક ડાયમંડ સફરજનની કિંમત 500 રૂપિયા છે. હવે તમે જ કહો 500 રૂપિયામાં તમે ભારતમાં કેટલા સફરજન ખાઈ શકો? બે-અઢી કિલો સફરજન તો આરામથી આવી જ જાય ને?
ચીન ખાતે તિબેટમાં આવેલા ન્યિંગચી પર્વતમાળામાં આ અનોખા ડાયમંડ સફરજનના ઝાડ જોવા મળે છે. અહીં ખૂબ જ મર્યાદિત પ્રમાણમાં આ સફરજન ઉગતા હોવાને કારણે તેનું વેચાણ પણ એ જ પ્રમાણે કરવામાં આવે છે. ચીનમાં આવેલા સર્વોત્તમ ફળ વેચનારા ફેરિયાઓને જ આ સફરજન વેચવામાં આવે છે. એટલું જ નહીં આ અનોખું સફરજન સરળતાથી ઉપલબ્ધ પણ નથી. એમાં પણ દરેક વ્યક્તિને ખૂબ જ મર્યાદિત પ્રમાણમાં આ સફરજન આપવામાં આવે છે, એવી માહિતી સ્થાનિક અખબારોમાં વાંચવા મળી હતી.
સ્વાદમાં આ સફરજન મીઠા હોઈ તેના બહારનું પડ એકદમ ઘટ્ટ અને કડક હોય છે, એટલે આ ફળ નામની જેમ જ હીરાની જેમ ચમકદાર દેખાય છે અને એનો રંગ જાંબુળી હોય છે. અંદરના ઘરનો ભાગ સફેદ જ હોય છે. આપણે જે સફરજન ખાઈએ છીએ એ સફરજન તૈયાર થવા માટે બે-ત્રણ વર્ષનો સમયગાળો લાગે છે, જ્યારે આ ખાસ ડાયમંડ સફરજન તૈયાર થવા માટે આઠ વર્ષનો સમય લાગે છે.
ઓક્ટોબર મહિનાની આસપાસમાં માત્ર બે મહિના માટે જ આ તૈયાર થયેલાં સફરજન એકઠા કરી શકા અને એમાં પણ બધા ભેગા કરેલાં સફરજન સારી ગુણવત્તાના હોય એ જરૂરી નથી. તૈયાર સફરજનમાંથી માત્ર 30 ટકા સફરજન જ બજારમાં વેચવા માટે પહોંચે છે.
Apples are generally red, green, yellow, but if the right geographical conditions are met, they can apparently grow dark purple, almost black, as well.
— Massimo (@Rainmaker1973) November 16, 2023
These rare apples are called Black Diamond and they are currently only grown in the mountains of Tibet. pic.twitter.com/j4XXrDlS4X
સોશિયલ મીડિયા પ્લેટફોર્મ એક્સ પર @massimo નામના હેન્ડલ પરથી આ ડાયમંડ સફરજનના ફોટો શેર કરવામાં આવ્યો છે. નેટિઝન્સ આ ડાયમંડ સફરજનને ખૂબ જ પસંદ કરી રહ્યા છે અને આ પોસ્ટ પર જાત જાતની કમેન્ટ કરી રહ્યા છે.
