રેલવે સ્ટેશન અને જંક્શન વચ્ચે શું છે તફાવત? 99 ટકા લોકોને નથી ખબર જવાબ…

ભારતીય રેલવે (Indian Railway)એ દુનિયાનું સૌથી વિશાળ અને વ્યસ્ત કહી શકાય એવું રેલવે નેટવર્ક છે. આટલા આ વિશાળ રેલવે નેટવર્ક સાડાસાત હજાર કરતાં પણ વધારે રેલવે સ્ટેશન અને જંક્શન આવેલા છે. પરંતુ મોટાભાગના લોકોને રેલવે સ્ટેશન અને જંક્શન વચ્ચેનું અંતર નથી હોતી. શું તમે પણ જંક્શન અને રેલવે સ્ટેશન વચ્ચેનું અંતર નથી જાણતા તો આજે અમે અહીં તમને આ વિશે જણાવવા જઈ રહ્યા છીએ.

જો તમે પણ એવું વિચારી રહ્યા છો કે રેલવે સ્ટેશન અને જંક્શન વચ્ચે શું ફરક છે, બંને એક જેવા જ તો છે ને, પરંતુ હકીકતમાં એવું નથી. રેલવે સ્ટેશન અને જંક્શન વચ્ચેના અંતર વિશે આજે આપણે આ સ્ટોરીમાં જાણવાનો પ્રયાસ કરીશું.

રેલવે સ્ટેશન અને જંક્શન વચ્ચેના અંતરની વાત કરીએ તો રેલવે સ્ટેશન એ જગ્યા હોય છે કે જ્યાં ટ્રેન રોકાય છે અને પ્રવાસીઓ ચડે અને ઉતરે છે. આ સિવાય અહીં ટિકિટ બુકિંગ અને પ્લેટફોર્મ અને બેઈઝિક સુવિધાઓ પણ ઉપલબ્ધ હોય છે. આ સિવાય રેલવે સ્ટેશનનો એક અલગ કોડ હોય છે.

વાત કરીએ જંક્શનની તો રેલવે જંક્શન એ જગ્યા હોય છે જ્યાં ઓછામાં ઓછા ત્રણ અલગ અલગ રૂટ એક સાથે મળે છે એટલે કે જ્યાં ટ્રેનના ત્રણ અલગ અલગ રૂટ ભેગા થાય છે અને એટલે જ તેને જંક્શન કહેવામાં આવે છે.

એક રેલવે સ્ટેશનને જંક્શનનો દરજ્જો ક્યારે મળે છે એની વાત કરી તો અગાઉ જણાવ્યું એમ જ્યારે કોઈ રેલવે સ્ટેશન પર ત્રણ અલગ અલગ રૂટ ભેગા થાય છે ત્યારે તેને રેલવે જંક્શનનો દરજ્જો આપવામાં આવે છે. જંક્શનની વાત કરીએ તો કોઈ પણ જંક્શન પર ટ્રેન ડાઈવર્ઝન, રી-રૂટિંગ, અને ટ્રેન શટિંગ જેવી ટેક્નિકલ એક્ટિવિટીઓ થાય છે આ જ કારણ છે કે અનેક વખત જંક્શન પર ટ્રેનને રોકવામાં આવે છે.

છે ને એકદમ કામની માહિતી? આ માહિતી તમારા મિત્રો અને પરિવારના સભ્યો સાથે શેર કરીને તેમના જનરલ નોલેજમાં ચોક્કસ વધારો કરજો હં ને? આવી જ બીજી અનોખી અને કામની માહિતી જાણવા માટે અમારી સાથે જોડાયેલા રહો…

આ પણ વાંચો…..ભારતના એવા રેલવે સ્ટેશન કે જેના નામ સીધા વાંચો કે ઊંધા, કોઈ ફરક નથી પડતો…