રાશિફળસ્પેશિયલ ફિચર્સ
Dhanteras 2025: આજે રાશિ પ્રમાણે શું ખરીદવું શુભ? મેષ માટે સોનું, વૃષભ માટે ગેજેટ, જાણો તમારે શું ખરીદવું જોઈએ?
આજથી પ્રકાશના પર્વ એટલે કે દિપોત્સવનો પ્રારંભ થયો અને ભાઈબીજ પર પર્વનું સમાપન થશે. કારતક મહિનાની અમાસના દિવસે એટલે કે 20મી ઓક્ટોબરના દિવાળી ઉજવવામાં આવશે, પરંતુ એ પહેલાં ધનતેરસ અને કાળી ચૌદશનો તહેવાર આવે છે. આ વખતે ધનતેરસ 18મી ઓક્ટોબર એટલે કે આજે પડી રહી છે. આજના દિવસે મુખ્યત્વે સોના-ચાંદી કે પ્રોપર્ટી વગેરે ખરીદવામાં આવે છે અને લક્ષ્મીજી તેમ જ કુબેર દેવની પૂજા કરવાનું મહાત્મ્ય જણાવવામાં આવ્યું છે.
હિંદુ પંચાગ અનુસાર ધનતેરસનો દિવસ સ્વયં સિદ્ધ મુહૂર્તમાંથી એક છે અને ધાર્મિક માન્યતાઓ અનુસાર આ દિવસે સોનુ-ચાંદી કે પ્રોપર્ટી, ઈલેક્ટ્રોનિક ગેજેટ્સ ખરીદવાનું એક આગવું મહત્ત્વ છે. ચાલો જાણીએ આજે ધનતેરસ પર તમારી રાશિ પ્રમાણે કઈ વસ્તુની ખરીદી તમારા જીવનમાં સુખ-સમૃદ્ધિ અને શાંતિ લઈને આવશે.
આજે 18મી ઓક્ટોબરના ધનતેરસ પર રાશિ પ્રમાણે ખરીદો વસ્તુઓ
| રાશિ | ધનતેરસ પર શું ખરીદવું શુભ રહેશે |
|---|---|
| મેષ | સોનાની દાગીનાની ખરીદી કરવી ખૂબ જ શુભ રહેશે. |
| વૃષભ | ઈલેક્ટ્રોનિક ગેજેટ ખરીદવું યોગ્ય રહેશે. |
| મિથુન | ચાંદીના સિક્કા ખરીદવાથી શુભ ફળ મળશે. |
| કર્ક | શ્રીયંત્રની ખરીદી ખૂબ જ લાભદાયી સાબિત થશે. |
| સિંહ | સોનાં અથવા તાંબાની વસ્તુ ખરીદવી શુભ રહેશે. |
| કન્યા | ચાંદી કે તાંબાના વાસણો ખરીદવાથી શુભ ફળ મળશે. |
| તુલા | ચાંદીના દાગીના ખરીદવાથી ભાગ્ય તેજ થશે. |
| વૃશ્ચિક | વાહન અથવા સોનાની ખરીદી શુભ રહેશે. |
| ધન | પિતળના વાસણો અથવા સોનાના સિક્કા ખરીદવા અનુકૂળ રહેશે. |
| મકર | ઝાડુ અથવા વાસણો ખરીદવાથી માતા લક્ષ્મીની કૃપા પ્રાપ્ત થશે. |
| કુંભ | શ્રીયંત્ર અથવા કુબેર યંત્ર ખરીદવાથી કુબેરદેવની કૃપા મળશે. |
| મીન | માતા લક્ષ્મીજી અને શ્રી ગણેશજીની પ્રતિમા ખરીદવી શુભ રહેશે. |
