Whatsapp યુઝર્સ માટે લાવી રહ્યું છે આ શાનદાર ફીચર, ટૂંક જ સમયમાં રોલઆઉટ કરાશે

નવી દિલ્હી : વોટ્સએપ(Whatsapp)લાખો યુઝર્સ માટે નવું ફીચર લઈને આવી રહ્યું છે. જેની માટે વોટસએપ હાલ નવા ફીચરનું પરીક્ષણ કરી રહ્યું છે. વોટ્સએપના આ ફીચરની રજૂઆત બાદ યુઝર્સ સરળતાથી વોટ્સએપ ચેનલો સાથે જોડાઈ શકશે. વોટ્સએપના આ ફીચરનું હાલમાં બીટા વર્ઝનમાં પરીક્ષણ કરવામાં આવી રહ્યું છે. પરીક્ષણ બાદ એ એન્ડ્રોઇડ અને આઈઓએસ બંને યુઝર્સ માટે ટૂંક સમયમાં રોલઆઉટ કરશે. આ સિવાય વોટ્સએપ બીજા ઘણા નવા ફીચર્સ લાવવાની તૈયારી કરી રહ્યું છે.

એન્ડ્રોઇડ અને આઈઓએસ બંને સ્માર્ટફોન માટે ટેસ્ટિંગ

વોટ્સએપનું આ ફીચર ખાસ કરીને ચેનલોને વિસ્તારવા માટે લાવવામાં આવ્યું છે. આ ફીચરની રજૂઆત બાદ યુઝર્સ તેમની ચેનલમાં વધુને વધુ યુઝર્સને એડ કરી શકશે. હાલમાં, કોઈપણ વ્હોટ્સએપ ચેનલમાં જોડાવા માટે, સૌ પ્રથમ ચેનલ સૂચિમાંથી તેને શોધવી પડે છે તેના બાદ યુઝર્સ તે ચેનલ સાથે કનેક્ટ થઈ શકશે. વાબેટાઇન્ફૉના રિપોર્ટ અનુસાર, વોટ્સએપના આ ફીચરને એન્ડ્રોઇડ અને આઈઓએસ બંને સ્માર્ટફોન માટે ટેસ્ટ કરવામાં આવી રહ્યું છે. હાલ તે કેટલાક મર્યાદિત બીટા ટેસ્ટર્સ માટે રિલીઝ કરવામાં આવ્યું છે.

Also read:વોટ્સએપ: અપડેટ ને આવિષ્કાર પછી અલવિદા?

ફીચર યુઝર્સને વોટ્સએપ ચેનલ પર રીડાયરેક્ટ કરશે

વોટ્સએપ ચેનલનો QR કોડ ઈમેજ ફોર્મેટમાં હશે. જેને ફોનના કેમેરાથી સ્કેન કરી શકાશે. આ ઉપરાંત યુઝર્સને તેને તેમના મિત્રો, સંબંધીઓ વગેરે સાથે શેર કરી શકશે. આ QR કોડ સ્કેન થતાં જ. આ યુઝર્સને વોટ્સએપ ચેનલ પર રીડાયરેક્ટ કરશે. રીડાયરેક્શનની સાથે જ યુઝર્સને વોટ્સએપ ચેનલમાં જોડાવાનો વિકલ્પ પણ મળશે.