હિંદુ શાસ્ત્રોમાં ગ્રહણને ખૂબ જ અશુભ માનવામાં આવે છે અને બે દિવસ બાદ એટલે કે 21મી સપ્ટેમ્બરના વર્ષનું બીજું અને છેલ્લું સૂર્ય ગ્રહણ લાગવા જઈ રહ્યું છે. આ ગ્રહણ આસો મહિનાની અમાસ પર કન્યા રાશિમાં અને ઉત્તરા ફાલ્ગુની નક્ષત્રમાં લાગવા જઈ રહ્યું છે. ગ્રહણ દરમિયાન સૂર્ય, ચંદ્રમા અને બુધ ત્રણેય કન્યા રાશિમાં રહેશે અને મીન રાશિમાં શનિદેવની તેમના પૂર્ણ દ્રષ્ટિ રહેશે. આ સૂર્યગ્રહણ અનેક રાશિના જાતકો માટે ખૂબ જ શુભ રહેવાનું છે. આ રાશિના જાતકોને પારાવાર લાભ થઈ રહ્યો છે અને ભાગ્યનો સાથે મળી રહ્યો છે. ચાલો, જોઈએ કઈ છે આ ભાગ્યશાળી રાશિઓ-
આ પણ વાંચો: આજનું રાશિફળ (18-09-25): બે રાશિના જાતકોને આજે થશે લાભ, જોઈ લો તમારા માટે કેવો રહેશે દિવસ?
વૃષભ રાશિના જાતકો માટે આ સૂર્યગ્રહણ ખૂબ જ શુભ સાબિત થશે. આ રાશિના જાતકોના જીવનમાં સકારાત્મક અસર જોવા મળશે. જીવનમાં ચમત્કારિક ફેરફાર આવશે. અટકી પડેલાં કામ પૂરા થઈ રહ્યા છે. આત્મવિશ્વાસમાં વૃદ્ધિ થઈ શકે છે. ભાગ્યનો સાથ મળી રહ્યો છે. બિઝનેસમાં પણ જોરદાર નફો થઈ રહ્યો છે.
સિંહ રાશિના જાતકો માટે આ સૂર્યગ્રહણ ખૂબ જ શાનદાર રહેશે. આ સમયે તમારી આવકમાં વૃદ્ધિ થઈ રહી છે. તમે જે પણ કામમાં હાથ નાખશો એ કામમાં તમને સફળતા મળી રહી છે. નવા કામની શરૂઆત કરવા માટે આ સમય એકદમ અનુકૂળ રહેશે. સોના-ચાંદીની ખરીદી કરી શકો છો.
તુલા રાશિના જાતકો માટે પણ વર્ષના અંતમાં થવા જઈ રહેલું આ સૂર્યગ્રહણ શુકનિયાળ રહેશે. જો જીવનમાં કોઈ સમસ્યા સતાવી રહી હશે તો તે પણ દૂર થશે. નવી જમીન ખરીદવાના યોગ બની રહ્યા છે. આ સમયગાળો તમારા માટે એકદમ અનુકૂળ રહેવાનો છે. પરિવાર સાથે હસી-ખુશીનો માહોલ જોવા મળશે.
