એક વર્ષ બાદ સૂર્ય કરશે સ્વરાશિમાં ગોચર, ત્રણ રાશિના જાતકો થશે માલામાલ, જોઈ લો તમારી રાશિના પણ છે ને?
જ્યોતિષશાસ્ત્રમાં દરેક ગ્રહને એક ખાસ દરજ્જો આપવામાં આવ્યો છે અને સૂર્યને ગ્રહોના રાજાનો દરજ્જો આપવામાં આવ્યો છે. સૂર્ય દર મહિને એક રાશિમાંથી બીજી રાશિમાં ગોચર કરે છે અને એની સારી નરસી અસર તમામ રાશિના જાતકો પર જોવા મળે છે. આવા આ સૂર્યદેવ ઓગસ્ટ મહિનામાં રાશિ પરિવર્તન કરવા જઈ રહ્યા છે, જેની કેટલીક રાશિના જાતકો પર સારી અસર જોવા મળશે.
17મી ઓગસ્ટના સૂર્ય એક વર્ષ બાદ એટલે કે 12 મહિના બાદ પોતાની સ્વરાશિ સિંહમાં ગોચર કરશે. સૂર્યનું સ્વ રાશિમાં થઈ રહેલું આ ગોચર 12-12 રાશિના જાતકો માટે સારું રહેશે, પણ ત્રણ રાશિ એવી છે કે જેમના પર એની વિશેષ અસર જોવા મળશે. આ રાશિના જાતકોને આ સમયે આર્થિક લાભ થશે, ભાગ્યનો સાથ પણ મળી રહ્યો છે. ચાલો જોઈએ કઈ છે આ ભાગ્યશાળી રાશિઓ-
મેષ રાશિના જાતકો પર સૂર્યના આ ગોચરની સકારાત્મક અસર જોવા મળશે. આ સમયે આ રાશિના જાતકોને સારા સમાચાર સાંભળવા મળશે. કામના સ્થળે ઉચ્ચ અધિકારીઓ પણ તમારાથી ખુશ થશે. પ્રગતિના નવા નવા માર્ગ ખુલી રહ્યા છે. ધાર્મિક કાર્યમાં તમારો રસ વધી રહ્યો છે. આવકના નવા નવા રસ્તા કરવાનો ખુલશે.
વૃષભ રાશિના જાતકો માટે આ સમયગાળો ખૂબ જ શુકનિયાળ રહેશે. આ રાશિના જાતકોની ભૌતિક સુખ-સુવિધાઓમાં વૃદ્ધિ થઈ રહી છે. પ્રોપર્ટી, ઘર કે કાર ખરીદવાની તમારી ઈચ્છા પૂરી થશે. કારકિર્દીમાં સફળતા મળશે. આર્થિક સ્થિતિ પણ પહેલાં કરતાં વધારે સારી રહેશે. લાંબા સમયથી અટકી પડેલાં કામ પણ પૂરા થશે. માતા-પિતા સાથેના સંબંધોમાં સુધારો જોવા મળશે.
ધન રાશિના જાતકો માટે આ સમયગાળો ખૂબ જ શુભ સાબિત થવાનો છે. આ સમયે આ રાશિના જાતકોને વિદેશયાત્રા પર જવાનો મોકો મળશે. આર્થિક લાભ થવાના નવા નવા માર્ગો ખુલી રહ્યા છે. નોકરીમાં તમે કરેલી મહેનતનું પૂરેપૂરું ફળ મળી રહ્યું છે. સ્પર્ધાત્મક પરિક્ષાની તૈયારી કરી રહેલાં વિદ્યાર્થીઓને આ સમયે સારા પરિણામો મળી રહ્યા છે.
