હંમેશા પૈસામાં રમે છે આ રાશિના જાતકો, માતા લક્ષ્મી રહે છે મહેરબાન, જોઈ લો તમારી રાશિ પણ છે ને?

સનાતન અને હિંદુ ધર્મમાં અઠવાડિયાનો દરેક વાર કોઈને કોઈ દેવી-દેવતાઓને સમર્પિત હોય છે અને આજે શુક્રવાર. શુક્રવારનો દિવસ માતા લક્ષ્મીજીને સમર્પિત હોય છે અને આ દિવસે તેમની પૂજા-અર્ચના માટે ખૂબ જ મહત્ત્વનો છે. આ દિવસે લોકો માતા લક્ષ્મીજીની કૃપા મેળવવા તેમની આરાધના કરે છે, ઉપવાસ રાખે છે, વ્રત વગેરે રાખે છે. જોકે, જેમ દરેક દેવી-દેવતાઓની કેટલીક મનગમતી રાશિઓ હોય છે કે જેમના પર તેમની કૃપા વરસે છે. પણ શું તમને ખબર છે કે માતા લક્ષ્મીજીની મનગમતી રાશિઓ કઈ છે?

આજે શુક્રવારે વાત કરીએ માતા લક્ષ્મીજીની મનગમતી રાશિઓ વિશે કે જેમના પર માતા લક્ષ્મીની મહેર વરસે છે અને આ રાશિના જાતકોને ક્યારેય પૈસાની તંગી નથી વરતાતી, હંમેશા પૈસામાં રમે છે કેટલીક રાશિઓ. ચાલો જોઈએ કઈ છે આ ભાગ્યશાળી રાશિઓ કે જેમના પર માતા લક્ષ્મીની કૃપા વરસે છે…

વૃષભ રાશિ માતા લક્ષ્મીજીની મનગમતી રાશિઓમાંથી એક છે. આ રાશિનો સ્વામી શુક્ર છે અને શુક્રનો સંબંધ વૈભવ, ધન, સંપત્તિ સાથે છે. આ રાશિના જાતકો ખૂબ જ મહેનતુ અને વ્યવહારું વિચારધારા ધરાવે છે. બિઝનેસ હોય કે નોકરી તમામ જગ્યા પર આ રાશિના જાતકોને લાભ જ થાય છે. માતા લક્ષ્મીની કૃપાથી આ રાશિના જાતકોના જીવનમાં ક્યારેય પૈસાની કમી નથી વર્તાતી. પરિવાર સાથે આ રાશિના લોકો સુખ-શાંતિવાળું જીવન જીવે છે.

સિંહ રાશિના સ્વામી ગ્રહોના રાજા સૂર્ય છે. આ રાશિના જાતકોમાં લીડરશિપ ક્વોલિટી ખૂબ જ વધારે હોય છે. આત્મવિશ્વાસુ હોવાની સાથે સાથે આ રાશિના જાતકો સાહસી હોય છે. તેઓ પોતાના નિર્ણયને લઈને એકદમ દ્રઢ નિશ્ચયી હોય છે. માતા લક્ષ્મીની કૃપાથી આ રાશિના જાતકોના જીવનમાં આર્થિક સ્થિરતા રહે છે. તેઓ પોતાની મહેનત અને ઈચ્છા શક્તિથી સફળતા પર પહોંચે છે. તેઓ ક્યારેય કોઈ પાસેથી આર્થિક સહાયતા નથી લેતા.

મીન રાશિના જાતકો પણ માતા લક્ષ્મીના પ્રિય હોય છે. આ રાશિના સ્વામી ગુરુ છે, જે જ્ઞાન અને સમૃદ્ધિના કારક હોય છે. મીન રાશિના જાતકો કોઈ પણ કામ ખૂબ જ દિલથી કરે છે. તેઓ ધાર્મિક પ્રવૃત્તિના હોય છે. આસ્થા અને તેમની કર્તવ્ય નિષ્ઠાને કારણે માતા લક્ષ્મી હંમેશા તેમના પર પ્રસન્ન રહે છે. પૈતૃક સંપત્તિ તેમ જ આકસ્મિક ધનલાભ થવાની શક્યતા હોય છે. આ રાશિના જાતકોની આર્થિક સ્થિતિ ખૂબ જ મજબૂત હોય છે અને તેમના જીવનમાં સુખ-શાંતિ રહે છે.