સામાન્યપણે જ્યોતિષશાસ્ત્રમાં આપવામાં આવેલી માહિતી અનુસાર જ્યારે પણ કોઈ ગ્રહ અસ્ત અવસ્થામાં હોય છે ત્યારે તેના સારા પ્રભાવની અસર ઓછી થઈ જાય છે. હાલમાં દેવગુરુ એવા ગુરુ 12મી જૂનથી અસ્ત અવસ્થામાં છે. પરંતુ ગુરુ અસ્ત અવસ્થામાં પણ અનેક રાશિના જાતકોને પારાવાર લાભ કરાવી રહ્યા છે.
મુંબઈના એક જાણીતા જ્યોતિષાચાર્યના જણાવ્યા અનુસાર ગુરુ 12મી જૂનના સાંજે 7.56 કલાકે અસ્ત થયા છે અને હવે ગુરુનો ઉદય 12મી જુલાઈના વહેલી સવારે 4.44 કલાકે થશે. કોઈ ગ્રહ અસ્ત અવસ્થામાં હોય છે ત્યારે તેના શુભ પ્રભાવની અસર ઓછી થઈ જાય છે, પણ આ વખતે ગુરુ અસ્ત અવસ્થામાં પણ કેટલી રાશિના જાતકોને અપરંપાર લાભ કરાવી રહ્યા છે. આ રાશિના જાતકોના જીવનમાં સકારાત્મકતા, ધનલાભ, ભાગ્ય અને કરિયરમાં સફળતાનું આગમન થશે. ચાલો જોઈએ કઈ છે આ ભાગ્યશાળી રાશિઓ કે જેમને ગુરુ અસ્ત કરાવીને પણ લાભ કરાવશે-
આ રાશિના જાતકોના જીવનમાં સકારાત્મક પરિવર્તન આવશે, સ્વાસ્થ્યમાં સુધારો જોવા મળશે. અટકી પડેલાં પૈસા પાછા મળશે. માતા-પિતા સાથેના સંબંધોમાં પણ સુધારો જોવા મળશે. પ્રેમજીવન જીવી રહેલાં લોકોએ થોડી સાવધાની રાખવી જોઈએ. સ્પર્ધાત્મક પરીક્ષાઓની તૈયારી કરી રહેલાં લોકોને પણ આ સમયે સારા પરિણામો મળી શકે છે. કામમાં આવી રહેલાં અવરોધો દૂર થશે.
મેષ રાશિના જાતકોને પણ ગુરુ અસ્ત થતાં ભાગ્યનો સાથ મળી રહ્યો છે. આ સમયે કિસ્મતનો સાથ મળતાં અટકી પડેલાં કામ પૂરા થશે. જીવનમાં સકારાત્મક ઊર્જાનો સંચાર થશે. અંગત જીવનમાં પણ મધુરતા અને પ્રેમ જોવા મળશે. બિઝનેસમાં મનચાહ્યો લાભ થતાં તમારી ખુશીનો પાર નહીં રહે. સંબંધોમાં સુધારો જોવા મળશે. રોકાણ કરશો તો એમાં સારો એવો લાભ થશે.
મકર રાશિના જાતકોની આર્થિક સ્થિતિમાં આ સમયે સારો સુધારો જોવા મળશે. દેવામાંથી મુક્તિ મળશે. પ્રવાસ પર જવાના યોગ બની રહ્યા છે. આવકના નવા નવા સ્રોત ઊભા થશે. આર્થિક સ્થિતિ વધુ મજબૂત બનશે. કોઈ સારા સમાચાર સાંભળવા મળી શકે છે. સંતાન તરફથી સંપૂર્ણ સાથ-સહકાર મળી રહ્યો છે.
ગુરુ અસ્ત થઈને કર્ક રાશિના જાતકોને અપરંપાર લાભ કરાવી રહ્યા છે. આ સમયે તમારા ખર્ચમાં ઘટાડો થશે અને એને કારણે તમે પૈસા બચાવવામાં સફળ થશો. કારકિર્દીમાં પણ મનચાહી સફળતા મળશે. સ્વાસ્થ્યની દ્રષ્ટિએ પણ આ સમય સારો રહેશે. જે પણ કામમાં હાથ નાખશો એ કામમાં સફળતા મળશે. ઘર-પરિવારમાં હસી-ખુશીનો માહોલ રહેશે.
