ચૈત્ર નવરાત્રિથી ચમકી ઉઠશે આ રાશિના જાતકોનું ભાગ્ય, બની રહ્યો છે આ દુર્લભ યોગ…
હિંદુ ધર્મ અને સનાતન ધર્મમાં ચૈત્રી નવરાત્રિનું વિશેષ મહત્ત્વ જણાવવામાં આવ્યું છે અને આ નવરાત્રિ ખૂબ જ ખાસ માનવામાં આવે છે. દર વર્ષે ચૈત્રી નવરાત્રિની સાથે સાથે જ હિંદુ નવ વર્ષનો પણ પ્રારંભ થાય છે. આ વર્ષે 30મી માર્ચથી ચૈત્રી નવરાત્રિનો પ્રારંભ થશે અને છઠ્ઠી એપ્રિલના રોજ રામનવમીના દિવસે નવરાત્રિનું સમાપન થશે.
નવરાત્રિ દરમિયાન નવ દિવસ સુધી માતાના વિવિધ રૂપની આરાધના કરવામાં આવે છે. આ વર્ષે માતા દુર્ગા હાથી પર સવાર થઈને આવશે અને આ સાથે જ નવરાત્રિ પર ખૂબ જ દુર્લભ સંયોગનું નિર્માણ પણ થઈ રહ્યું છે. આ વખતે નવરાત્રિ પર અમૃતસિદ્ધિ યોગ, સર્વાર્થ સિદ્ધિ યોગનું નિર્માણ થવા જઈ રહ્યું છે. આ બંને યોગ ચૈત્રી નવરાત્રિને ખૂબ જ ખાસ બનાવી રહ્યા છે. ચાલો જોઈએ આ યોગથી કઈ રાશિના જાતકોને લાભ થઈ રહ્યો છે-
આ પણ વાંચો: આજનું રાશિફળ (17-03-2025): આજે ત્રણ રાશિના જાતકો માટે સોમવારનો દિવસ રહેશે શુભ
મિથુન રાશિના જાતકો માટે ચૈત્રી નવરાત્રિ બાદ અચ્છે દિન શરૂ થવા જઈ રહ્યા છે. દરેક કામમાં સફળતા મળી રહી છે. માતા દુર્ગાની કૃપાથી આ રાશિના જાતકોને પારાવાર ધનલાભ થઈ રહ્યો છે. નવા કાર્યની શરૂઆત માટે આ સમય અનુકૂળ છે. નોકરીમાં સફળતા મળી રહી છે.
તુલા રાશિના જાતકો માટે પણ આ શુભ સંયોગથી પારાવાર લાભ થઈ રહ્યો છે. સ્વાસ્થ્યમાં સુધારો જોવા મળી શકે છે. ધન-દૌલતમાં પણ વૃદ્ધિ જોવા મળી શકે છે. સફળતાના રસ્તામાં આવનારા અવરોધો દૂર થઈ રહી છે. પરિવારમાં હસી ખુશીનો માહોલ જોવા મળશે.
મકર રાશિના જાતકો માટે પણ ચૈત્રી નવરાત્રિ પર બની રહેલો આ શુભ-સંયોગ ખુશીઓ લઈને આવશે. આકસ્મિક ધનલાભ થઈ રહ્યો છે. વિદેશમાં નોકરી મેળવવાની રાહ જોઈ રહેલાં લોકોને પણ આ સમયે શુભ પરિણામ મળી રહ્યા છે. ધન-ધાન્યમાં વૃદ્ધિ થશે. જીવનમાં આવી રહેલાં સંકટો દૂર થશે.