આદિત્ય-૧ એ પ્રથમ સેલ્ફી લીધી, પૃથ્વી અને ચંદ્રની પણ તસવીર લીધી
નવી દિલ્હી: આદિત્ય ૧ને લઈને ભારત માટે અવકાશમાંથી એક સારા સમાચાર આવ્યા છે. સન મિશન હેઠળ સૂર્ય તરફ આગળ વધી રહેલા ભારતના આદિત્ય ૧એ અવકાશમાંથી પૃથ્વી અને ચંદ્રની તસવીર કેપ્ચર કરી છે. આદિત્ય ૧ વિશે એક મોટું અપડેટ આપતા ઇન્ડિયન સ્પેસ રિસર્ચ ઇન્સ્ટિટ્યૂટ () એ જણાવ્યું કે આદિત્ય ૧એ અવકાશમાં તેની પ્રથમ સેલ્ફી લીધી છે. એટલું જ નહીં, તેણે દૂરથી પૃથ્વી અને ચંદ્રની તસવીર પણ લીધી છે. ઈસરોએ સોશિયલ મીડિયા પર એક વીડિયો પોસ્ટ કર્યો છે જેમાં આદિત્ય એલ૧ દ્વારા લેવાયેલી સેલ્ફી બતાવવામાં આવી છે.
આદિત્ય ૧ એ પ્રથમ ભારતીય અવકાશ-આધારિત વેધશાળા છે, જે પૃથ્વીથી લગભગ ૧૫ મિલિયન કિલોમીટરના અંતરે પોઈન્ટ (-૧) પર રહીને સૂર્યના બાહ્ય વાતાવરણનો અભ્યાસ કરી રહી છે. ના ધ્રુવીય ઉપગ્રહ પ્રક્ષેપણ વાહન (-૫૭) એ ૨ સપ્ટેમ્બરે આંધ્રપ્રદેશના શ્રીહરિકોટા ખાતેના સતીશ ધવન સ્પેસ સેન્ટર () ના બીજા લોન્ચ પેડ પરથી ‘આદિત્ય ૧’ સફળતાપૂર્વક લોન્ચ કર્યું હતું. આ ઉપગ્રહની પ્રથમ ભ્રમણકક્ષા સંબંધિત પ્રક્રિયા ૩ સપ્ટેમ્બરના રોજ સફળતાપૂર્વક હાથ ધરવામાં આવી હતી.
લેગ્રેન્જ પોઈન્ટ -૧ તરફ ટ્રાન્સફર ઓર્બિટમાં પ્રવેશતા પહેલા આદિત્ય ૧ વધુ બે ભ્રમણકક્ષા પ્રક્રિયામાંથી પસાર થશે. સેટેલાઇટ લગભગ ૧૨૭ દિવસ પછી -૧ પોઇન્ટ પર ઇચ્છિત ભ્રમણકક્ષામાં પહોંચે તેવી શક્યતા છે.
એલ-૧ સૂર્યના ઉપલા વાતાવરણની ગતિશીલતા એટલે કે રંગમંડળ અને કોરોના, ક્રોમોસ્ફિયર અને કોરોનલ હીટિંગ, આંશિક રીતે આયોનાઇઝ્ડ પ્લાઝમાના ભૌતિકશાસ્ત્ર, કોરોનલ માસ ઇજેક્શનની શરૂઆત અને તેનો અભ્યાસ કરશે. આ ઉપરાંત સૌર જ્વાળાઓ સૂર્ય દ્વારા ઉત્પન્ન થયેલ લેગ્રેન્જ પોઈન્ટ ૧ તેની આસપાસના અવકાશના વાતાવરણનો પણ અભ્યાસ કરશે.
