નેશનલ

રાજસ્થાનનો આ ખેડૂત કરશે ભાજપ સામે માનહાનીનો કેસ?

રાજસ્થાન ચૂંટણીની હજુ જાહેરાત તો થઈ નથી, પણ રાજકીય ગરમાવો દિવસે દિવસે વધતો જાય છે. દરમિયાન, અશોક ગેહલોત સરકારના મોંઘવારી રાહત કેમ્પ અભિયાન સામે ભાજપે રાજસ્થાન સહન નહીં કરેનું અભિયાન શરૂ કર્યું છે. જોકે રાજ્ય ભાજપ હવે આચારસંહિતા પહેલા આ અભિયાનમાં લગાવવામાં આવેલા પોસ્ટરને લઈને વિવાદમાં ફસાઈ છે. હવે આ પોસ્ટરમાં ખેડૂતના ફોટાને લઈને સવાલો ઉભા થઈ રહ્યા છે અને ફોટોમાં ખેડૂતે ભાજપ વિરુદ્ધ માનહાનિનો કેસ દાખલ કરવાનો દાવો કર્યો હોવાનું મીડિયા અહેવાલો જણાવે છે.

‘નહી સહેગા રાજસ્થાન’ અભિયાન હેઠળ રાજસ્થાન ભાજપ દ્વારા રાજ્યભરમાં અલગ-અલગ મુદ્દાઓ પર પોસ્ટર લગાવવામાં આવ્યા છે. હાલમાં જ ખેડૂતોની જમીનની હરાજી સાથે જોડાયેલા આવા જ એક પોસ્ટરમાં દાવો કરવામાં આવ્યો હતો કે દેવાના કારણે રાજસ્થાનના 19 હજારથી વધુ ખેડૂતોની જમીનની હરાજી કરવામાં આવી છે. આ પોસ્ટરમાં જેસલમેર જિલ્લાના પોકરણના એક ખેડૂતનો ફોટો બતાવવામાં આવ્યો છે. મળતા અહેવાલો અનુસાર આ ખેડૂતે દાવો કર્યો છે કે તેની જાણ વગર આ ફોટોગ્રાફનો ઉપયોગ કરવામાં આવ્યો છે અને તે હજુ પણ 200 વીઘા જમીનનો માલિક છે. ખેડૂત પરિવાર રાજસ્થાનની ભારતીય જનતા પાર્ટી વિરુદ્ધ માનહાનિનો કેસ દાખલ કરવાની વાત કરી રહ્યો છે. જિલ્લાના રામદેવરાના રિખી કી ધાણીના રહેવાસી સિત્તેર વર્ષના ખેડૂત મધુરમ જયપાલે એક મીડિયા અહેવાલમાં જણાવ્યું હતું કે ભાજપના બેનર પરનો ફોટો તેમનો છે, જેની માહિતી તેમને ગામના એક યુવકે આપી હતી. ખેડૂત મધુરમના પુત્ર જુગતારામે જણાવ્યું કે ભારતીય જનતા પાર્ટીએ તેમના પિતાનો ફોટો પ્રકાશિત કરીને પરિવારને બદનામ કર્યો છે, તેથી તેઓ હવે કાયદાકીય કાર્યવાહી કરવાનું વિચારી રહ્યા છે.

જેસલમેરના ખેડૂતનો ફોટો ભાજપના પોસ્ટર ઝુંબેશમાં સામેલ હોવાની માહિતી તેના ગામના એક યુવક દ્વારા આ ખેડૂતને આપવામાં આવી હતી. જયપુરથી પરત આવેલા આ યુવકે મધુરમના પરિવારને જણાવ્યું હતું કે તેણે જયપુરની સડકો પર લગાવેલા પોસ્ટરમાં ઘણી જગ્યાએ મધુરમનો ફોટો જોયો હતો. આ જ યુવકે ગામના એક વોટ્સએપ ગ્રુપમાં પણ આ તસવીરો શેર કરી હતી. જ્યારે મધુરમના પુત્ર જુગતારામે તેના પિતાની તસવીરો જોઈ ત્યારે તેણે તેના પિતાને તેની જાણ કરી. આ પછી ખેડૂત પરિવારે સ્થાનિક ભાજપ નેતાઓ પાસે પોતાનો વાંધો પણ નોંધાવ્યો હતો. જોકે ભાજપે આ મામલે હજુ સુધી કોઈ પ્રતિક્રિયા આપી હોવાનું જાણવા મળ્યું નથી

Show More

Related Articles

Leave a Reply

Your email address will not be published. Required fields are marked *

Back to top button
દેશની ટોપ ફાઈવ National Crush કોણ છે? મહારાષ્ટ્રનો ગરીબ જિલ્લો કયો? Mahashivratriએ શિવલિંગ પર શું ચડાવશો? અનંત-રાધિકાની પ્રી-વેડિંગ સેરેમનીની શરૂ થઇ અન્ન સેવાથી