નેશનલમનોરંજન

Prime Ministerને લઈને આ શું બોલી ગઈ Kangna Ranaut?

કોન્ટ્રોવર્સી ક્વીન કંગના રનૌત સતત કંઈકને કંઈક કારણસર લાઈમલાઈટમાં રહે છે અને હવે એક્ટ્રેસે પ્રાઈમ મિનીસ્ટરને લઈને ચોંકાવનારું નિવેદન આપ્યું છે. વાત જાણે એમ છે કે ટૂંક સમયમાં જ કંગના રનૌતની ફિલ્મ ઈમરજન્સી રિલીઝ થવા જઈ રહી છે. કંગના હાલમાં આ ફિલ્મનું જોરશોરથી પ્રમોશન કરી રહી છે. આ ફિલ્મમાં એક્ટ્રેસ ભૂતપૂર્વ વડા પ્રધાન ઈન્દિરા ગાંધીના રોલમાં જોવા મળી રહી છે.

કંગના રનૌત પોતાની આ ફિલ્મનું જોરશોરથી પ્રમોશન કરી રહી છે અને હાલમાં જ અભિનેત્રી ફિલ્મની એક પ્રમોશનલ ઈવેન્ટ માટે પહોંચી હતી અને આ દરમિયાન એક્ટ્રેસને પૂછવામાં આવ્યું કે આ ફિલ્મમાં તારી જે સ્ટાઈલ છે એ જોતા શું તું આગામી પીએમ બનવા માંગીશ?

મીડિયા દ્વારા પૂછવામાં આવેલા આ સવાલ પર કંગના હસી પડી હતી અને જવાબ આપતા જણાવ્યું હતું કે મેં જે ફિલ્મ કરી છે ઈમરજન્સી એ જોયા પછી ચોક્કસપણે નહીં ઈચ્છું કે હું વડા પ્રધાન બનું. કંગનાનો આ જવાબ સાંભળીને તેની આસપાસમાં ઉભેલા લોકો પણ તેની સાથે ખડખડાટ હસી પડે છે.

ફિલ્મમાં કંગનાના લુક વિશે વાત કરીએ તો કંગના આ પ્રમોશન ઈવેન્ટમાં બ્લુ રંગની બનારસી સાડી, કાનમાં બુટ્ટી અને કપાળ પર ચાંદલો લગાવીને પહોંચી હતી. કંગના રનૌત આ રેટ્રો લુકમાં કંગનાની સુંદરતા વધુ ચમકી રહી હતી.

અત્રે ઉલ્લેખનીય છે કે ફિલ્મ ઈમરજન્સી 14મી જૂનના થિયેટરમાં રિલીઝ થવા જઈ રહી છે. ફિલ્મમાં કંગના રનૌતના લૂકના દર્શકો ખૂબ જ વખાણ કરી રહ્યા છે.

Show More

Related Articles

Leave a Reply

Your email address will not be published. Required fields are marked *

Back to top button