પરિસ્થિતિ થાળે પાડવા આવેલા SDM સાથે સપા નેતાની દાદાગીરીનો Video Viral…

નવી દિલ્હી: ખેડૂત સહકારી સુગર મિલ્સ લિમિટેડમાં ડિરેક્ટર પદ માટે યોજાયેલી ચૂંટણીમાં ગેરરીતિનો થયાનો આરોપ લગાવીને સમાજવાદી પાર્ટીએ ઘોસીમાં પ્રદર્શન કર્યું. ઉમેદવારો અને અન્ય સપા નેતા જિલ્લા પ્રમુખ દૂધનાથ યાદવના નેતૃત્વમાં હડતાળ પર બેસી ગયા હતા. સપા અને ભાજપના ઉમેદવારો વચ્ચે યોજાયેલી ચૂંટણીમાં ભાજપના ઉમેદવાર જનાર્દન સિંહને વિજયી જાહેર કરવામાં આવ્યા હતા. જેનાથી નારાજ સપા કાર્યકરોએ હંગામો શરૂ કર્યો હતો.

જો કે સપા કાર્યકરો દ્વારા શરૂ થયેલા હંગામાને શાંત કરવા માટે પહોંચેલા એસડીએમ રાજેશ અગ્રવાલને સપાના ધારાસભ્ય સુધાકર સિંહે તેમને જબરદસ્તીથી કારમાં બેસાડી દીધા હતા. તેને કંઈ ન બોલવાનો સમય આપ્યો. સપા નેતા વારંવાર SDMના મોં પર આંગળી ચીંધીને ધમકીભર્યા સ્વરમાં ઈશારો કરી રહ્યા હતા. આ ઘટના કેમેરામાં પણ કેદ થઈ ગઈ હતી.

વિડીયોમાં જોઈ શકાય છે કે સપા ધારાસભ્યએ એસડીએમને કારમાં બેસાડી દીધા બાદ સપાનો એક કાર્યકર તેમની કારની સામે આવ્યો અને એસડીએમને વારંવાર ધમકાવતો રહ્યો અને કહેતો રહ્યો કે, ‘નશા ઉતર જાઈ’! એટલે કે બધો નશો ઉતરી જશે. આ ઘટના સ્થળ પર હાજર કેમેરામાં પણ કેદ થઈ ગઈ હતી.

શું છે મામલો:

ઉલ્લેખનીય છે કે મઉ જિલ્લાની ઘોસી સુગર મિલમાં ડિરેક્ટર પદ માટે ચૂંટણી ચાલી રહી છે જેમાં પહેલા જ 9 ડિરેક્ટરો બિનહરીફ ચૂંટાઈ આવ્યા છે. જ્યારે એક ડિરેક્ટર પદ માટે સપા અને ભાજપના ઉમેદવારો વચ્ચે રસપ્રદ મુકાબલો હતો. બંને ઉમેદવારોને 9-9 મત મળ્યા હતા અને મુકાબલો ટાઈ રહ્યો હતો. જેના પર મોડી રાત સુધી હંગામો યથાવત રહ્યો હતો.

વહીવટીતંત્રે સવારે ચિઠ્ઠી ઉપાડી ચૂંટણી યોજવાનું નક્કી કર્યું હતું. સમાજવાદી પાર્ટીના નેતાઓએ રાત્રે જ ચૂંટણી પરિણામ જાહેર કરવા માટે તેમના પર દબાણ શરૂ કર્યું. જેને લઈને વિવાદ ખડો થયો હતો.