નેશનલસ્પેશિયલ ફિચર્સ

Valentine Day: આ પ્રેમનો મહિનો ગુલાબના વેપારીઓના ખિસ્સા પણ મહેંકતા રાખે છે

નવી દિલ્હીઃ એક વર્ગ એવો છે કે જે Valentine Day જેવા સ્પેશિયલ સેલિબ્રેશનને વિદેશી કહે છે અને તેનો વિરોધ કરે છે, પરંતુ તેઓ એ નથી જાણતા કે દરેક તહેવાર કે ઉજવણી પાછળનું પોતાનું અલગ અર્થતંત્ર છે. હાલમાં ફેબ્રુઆરી મહિનાની શરૂઆત થઈ ગઈ છે ત્યારે પ્રેમીઓના દિવસ Valentine Day પહેલા અલગ અલગ દિવસ ઉજવવામાં આવે છે. ગઈ કાલે જ યુવાનીયાઓએ rose day ઉજવ્યો. ત્યારે આ દિવસે ગુલાબની બાગાયતી કરતા ખેડૂતો અને વેપારીઓની પણ ચાંદી થઈ ગઈ. માત્ર દિલ્હીની વાત કરીએ તો દિલ્હીના ગાઝીપુર ફૂલ માર્કેટમાં 25 થી વધુ વિવિધ રંગોના ગુલાબ આવે છે. ગુલાબની પાંખડીઓથી માંડીને ગુલાબના ગુલદસ્તા સુધીનું અહીં વિશાળ બજાર છે. ગાઝીપુર ફ્લાવર માર્કેટમાં 400 થી વધુ નાના-મોટા દુકાનદારો હાજર છે, જેમાંથી 40 થી વધુ દુકાનદારો માત્ર ફૂલોનો જ વેપાર કરે છે. વેલેન્ટાઈન વીક દરમિયાન ગુલાબના ભાવમાં 4 ગણો વધારો થયો છે.

આખા વર્ષ દરમિયાન ગુલાબની માંગ રહે છે. પણ પ્રેમની આ મોસમમાં ગુલાબનું મહત્વ અનેકગણું વધી જાય છે. ગુલાબના વેપારીઓના કહેવા અનુસાર બધા રંગના ગુલાબની કિંમતો અલગ-અલગ છે પરંતુ સૌથી વધુ માંગ રેડ રોઝની છે. તે કહે છે કે તેની પાસે બેંગ્લોર, પુણે, નાસિક, સોનેપત જેવા સ્થળોએથી ઉચ્ચ ગુણવત્તાના ગુલાબ આવે છે. તેઓ કહે છે કે સામાન્ય રીતે વીસ ગુલાબનો ગુચ્છો 120-150 રૂપિયામાં વેચાય છે, પરંતુ આ વખતે એટલે કે વેલેન્ટાઈન વીક દરમિયાન એ જ ગુચ્છો 280-300 રૂપિયાની વચ્ચે વેચાઈ રહ્યો છે. જેમ કે હવે વેલેન્ટાઈન ડે નજીક આવે ત્યારે તેની કિંમત 400-500 સુધી પહોંચી શકે છે.

બજારમાં ગુલાબના કલગી માટે પણ લાકડાનો ઉપયોગ થાય છે અને તેના ભાવ પણ વધી ગયા છે. વુડવર્કર કહે છે કે હાર્ટ શેપ હાલમાં સૌથી વધુ લોકપ્રિય છે. તેની કિંમત પહેલા 30-40 રૂપિયા હતી પરંતુ આજકાલ તે 50 રૂપિયાથી ઉપર વેચાઈ રહી છે.

ગાઝીપુર ફ્લાવર ટ્રેડ એસોસિએશનના સભ્યોના જણાવ્યા અનુસાર વેલેન્ટાઈન વીક દરમિયાન ખેડૂતોને સારો નફો મળે છે. જે ખેડૂતોને અગાઉ પણ નુકસાન થયું છે, તેઓ પણ આ વેલેન્ટાઈન વીકમાં થયેલા નુકસાનની ભરપાઈ કરે છે.

નાના દુકાનદારો બજારમાંથી ગુલાબ ખરીદીને તેમના વિસ્તારમાં વેચે છે.વેલેન્ટાઈન વીક દરમિયાન તેમના ચહેરા પણ ગુલાબની જેમ ખીલે છે. તેમનું કહેવું છે કે આમ તો ગુલાબ 15-20 રૂપિયામાં વેચાય છે પરંતુ વેલેન્ટાઈન વીક દરમિયાન આ ગુલાબ સરળતાથી 50 રૂપિયા સુધી વેચાય છે અને મોટી માત્રામાં વેચાય છે. ફૂલ માર્કેટમાં ફુલ અને ગુલાબમાંથી અનેક લોકોને આડકતરી રીતે રોજગારી પણ મળે છે.

Show More

Related Articles

Leave a Reply

Your email address will not be published. Required fields are marked *

Back to top button
દેખાવમાં પોતાના Grand Parentsની Carbon Coppy છે આ Star Kids… તમે ગમે તેટલી કમાણી કરો આ 10 દેશોમાં આવકવેરો લેવામાં આવતો નથી Sachin Tendulkar Turns 51: Cricket Legend’s Journey Dhoni’s Fiery Side: When Captain Cool Lost His Composure