મોબાઈલ ફોનમાં આવતા Spam Message થી હવે મળશે છૂટકારો, TRAI એ શરૂ કરી આ તૈયારી

નવી દિલ્હી : દેશમાં મોબાઈલ ફોનમાં આવતા સ્પામ મેસેજથી(Spam Message)ગ્રાહકોને ટૂંકમાં છુટકારો મળી શકે છે. જેની માટે ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) જણાવ્યું હતું કે તમામ કોમર્શિયલ SMSને ટ્રેસ કરવા માટે એક માળખું બનાવવામાં આવ્યું છે. આ સરળતાથી સુરક્ષિત અને સ્પામ-મુક્ત મેસેજિંગ ઇકોસિસ્ટમ બનાવવામાં મદદ કરશે. આ માળખા હેઠળ, તમામ મુખ્ય સંસ્થાઓ જેમ કે વ્યવસાયો, બેંકો અને સરકારી એજન્સીઓ તેમજ તેમના ટેલીમાર્કેટર્સ એ બ્લોકચેન-આધારિત ડિસ્ટ્રિબ્યુટેડ લેજર ટેક્નોલોજી દ્વારા તેમનો એસએમએસ ટ્રાન્સમિશન પાથ જાહેર કરવો પડશે અને તેની સાથે નોંધણી કરવી પણ ફરજિયાત હશે.

મેસેજને એન્ડ-ટુ-એન્ડ ટ્રેસ કરવાનું શક્ય બનશે

ટ્રાઈએ કહ્યું કે ચેઈન ડિક્લેરેશન અને બાઈડિંગ પ્રોસેસ દ્વારા દરેક મેસેજને એન્ડ-ટુ-એન્ડ ટ્રેસ કરવાનું શક્ય બનશે. આની મદદથી, તમે ડેટા સુરક્ષા સાથે સમાધાન કર્યા વિના અથવા એસએમએસ ડિલિવરીમાં વિલંબ કર્યા વિના સંદેશ ક્યાંથી મોકલવામાં આવ્યો છે અને કોને પહોંચાડવામાં આવ્યો છે તે સરળતાથી શોધી શકો છો.

સંદેશાઓની ટ્રેસેબિલિટી ફરજિયાત બનાવવામાં આવી

આ પ્રક્રિયાનો અમલ કરવા માટે ટ્રાઇએ 20 ઓગસ્ટ 2024 ના રોજ એક નિર્દેશ જાહેર કર્યો હતો. જેમાં 1 નવેમ્બર 2024 થી તમામ વ્યાપારી સંદેશાઓની ટ્રેસેબિલિટી ફરજિયાત બનાવવામાં આવી હતી. ટ્રાઇએ અમલીકરણમાં સામેલ પ્રવૃત્તિઓને સમજીને અમલીકરણ સમયમર્યાદાને 30 નવેમ્બર અને પછીથી 10 ડિસેમ્બર સુધી લંબાવી. જેથી બેંકિંગ, વીમા, હેલ્થકેર અને રિયલ એસ્ટેટ જેવા વિવિધ ક્ષેત્રોમાં લગભગ 1.13 લાખ સક્રિય સંસ્થાઓ ને સરળતાથી ઓનબોર્ડ કરી શકાય.

Also Read – Stock Market : શેર બજાર વધારા સાથે ખૂલીને ઘટ્યું, સેન્સેક્સ -નિફ્ટીમાં ઘટાડો

એસએમએસ ટ્રાફિકને અસ્વીકાર કરવામાં આવશે

ટ્રાઇએ જાગરુક્વા વધારવા અને બિડિંગના પ્રયાસોને વેગ આપવા આરબીઆઇ, સેબી, ઇરડા, પીએફઆરડીએ અને નીક , સી-ડેક જેવી સરકારી એજન્સીઓ અને રાજ્ય સરકારો જેવા મુખ્ય પ્રાદેશિક નિયમનકારો સાથે સહયોગી અભિગમ અપનાવ્યો છે. ટ્રાઈની આગેવાની હેઠળના આ સંયુક્ત પ્રયાસોના પરિણામે, તમામ મુખ્ય સંસ્થાઓ હવે તેમના એસએમએસ ટ્રાન્સમિશન પાથને એક્સેસ આપનાર કંપની સાથે રજીસ્ટર કર્યા છે. ટ્રાઈએ કહ્યું કે 11 ડિસેમ્બરથી અનરજિસ્ટર્ડ પાથ દ્વારા મોકલવામાં આવેલા એસએમએસ ટ્રાફિકને અસ્વીકાર કરવામાં આવશે.