પોતાના હિંદી લહેકાથી છવાઇ ગઇ આ અમેરિકન મહેમાન….

હું વારંવાર ભારત આવતી રહું છું તેમજ હું અમેરિકામાં મારા ભારતીય મિત્રો સાથે શીખતી રહું છું, આ ઉપરાંત મેં પાકિસ્તાની સંસ્થામાં પણ કામ કર્યું છે. આ શબ્દો છે અમેરિકન રાજદ્વારી અને અમેરિકન સ્ટેટ ડિપાર્ટમેન્ટમાં પ્રવક્તા માર્ગારેટ મેકલિયોડના…હિંદી, ગુજરાતી, ફ્રેંચ અને જાપાની ભાષા પર એટલો સરસ કાબૂ ધરાવે છે કે તે બોલે તો સમજવું મુશ્કેલ થઇ પડે કે આ હસ્તી મૂળ ક્યાંની છે.

માર્ગારેટ મેકલિયોડ ઉર્દૂ મૂળાક્ષરોને મિક્સ કરીને હિન્દી બોલે છે. પરંતું જ્યારે તે બોલે છે ત્યારે તે દરેકના દિલ જીતી લે છે. દિલ્હીમાં યોજાયેલી G-20 બેઠક દરમિયાન મીડિયામાં તેમની ભાષાના જ્ઞાનની ખૂબ ચર્ચા થઈ હતી. માર્ગારેટ સૌપ્રથમ ત્યારે ચર્ચામાં આવી જ્યારે તેણે એક પત્રકારના પ્રશ્નના જવાબમાં એકદમ સરળતાથી હિન્દી બોલવાનું શરૂ કર્યું હતું. અને તેમાં ઘણા ઉર્દૂ, ફારસી અને અંગ્રેજી શબ્દો મિક્સ હતા. આવી ભાષા ભારતના મોટાભાગના હિન્દી ભાષી લોકો બોલે છે. ત્યારે આ રીતના લહેકા સાથે જ્યારે આપણી રાષ્ટ્રીય ભાષા સાંભળવા મળે ત્યારે આપણને સ્વાભાવિક રીતે તે વ્યક્તિ તરફ માન થઇ જાય છે.

હિન્દી ભાષા પર તેમની સારી પકડ વિશે માર્ગારેટ કહે છે કે જ્યારે તેમણે દિલ્હીની સ્કૂલ ઑફ ઇકોનોમિક્સમાં એડમિશન લીધું ત્યારે ત્યાં તો અંગ્રેજી બોલવામાં આવતું હતું. પરંતુ હોસ્ટેલમાં મારી મિત્રો સાથે વાત કરતાં હું હિન્દી શીખી ગઈ.

ઘણીવાર હિન્દી શીખવા માટે તે રિક્ષાચાલકો સાથે પણ વાતચીત કરતી હતી. પછી જ્યારે મારી નિમણૂક વિદેશ મંત્રાલયમાં થઈ ત્યારે હું ગુજરાતી શીખી અને ઈસ્લામાબાદમાં મારે જવાનું થયું ત્યારે મેં ઉર્દૂ પણ શીખી હતી.
નોંધનીય છે કે માર્ગારેટ છેલ્લા 14 વર્ષથી અનેક ફિલ્ડમાં કાર્યરત છે.