INDIA ગઠબંધનમાં બેઠકોની વહેચણીની ફોર્મ્યુલા તૈયાર, જો આ રીતે વહેચાય તો બધા રહેશે રાજી..

લોકસભા ચૂંટણી માટે એકત્ર થયેલા ઇન્ડિયન નેશનલ ડેવલપમેન્ટ ઇન્ક્લુઝિવ એલાયન્સ એટલે કે INDIA ગઠબંધનમાં બેઠકોની વહેચણી કઇ રીતે થશે તેની સંભવિત તસવીરો સામે આવી ગઇ છે. સૂત્રોએ જણાવ્યું હતું કે લોકસભામાં વિપક્ષના ગઠબંધનની સૌથી મોટી પાર્ટી કોંગ્રેસ 330 બેઠકો પર ચૂંટણી લડી શકે છે. જેમાંથી લગભગ 250 બેઠકો એકલપંડે લડી શકશે, જ્યારે 75 બેઠકો માટે તેણે ગઠબંધનનો સહારો લેવો પડશે.

સૂત્રોએ જણાવ્યું હતું કે કોંગ્રેસની ગઠબંધન સમિતિ બેઠકો અંગેનો પોતાનો રિપોર્ટ પાર્ટી અધ્યક્ષ મલ્લિકાર્જુન ખડગેને સોંપી શકે છે. કોંગ્રેસની રાષ્ટ્રીય ગઠબંધન સમિતિ આવતીકાલે પાર્ટી અધ્યક્ષ ખડગેને તેનો અહેવાલ સુપરત કરશે. આ પછી કોંગ્રેસ નેતૃત્વ સીટ વહેંચણીના મુદ્દે સાથી પક્ષો સાથે વાત કરશે.

જે નવ રાજ્યોમાં કોંગ્રેસ તેના સાથી પક્ષો સાથે બેઠકો વહેંચશે તેમાં દિલ્હી, યુપી, બિહાર, ઝારખંડ, બંગાળ, મહારાષ્ટ્ર, કેરળ, તમિલનાડુ અને જમ્મુ અને કાશ્મીરનો સમાવેશ થાય છે. જ્યારે પંજાબમાં કોંગ્રેસ અને AAP વચ્ચે ગઠબંધનની શક્યતાઓ ઘણી ઓછી છે.

INDIA ગઠબંધનમાં બેઠકોની વહેંચણીની સંભવિત તસવીરો:
આંધ્રપ્રદેશ 25: કોંગ્રેસ 25
અરુણાચલ પ્રદેશ 2: કોંગ્રેસ 2
આસામ 14: કોંગ્રેસ 14
બિહાર 40: કોંગ્રેસ 4, ડાબેરી 2, આરજેડી 17, જેડીયુ 17
છત્તીસગઢ 11: કોંગ્રેસ 11
ગોવા 2: કોંગ્રેસ 2 (AAP એક સીટ માંગી શકે છે)
ગુજરાત 26: કોંગ્રેસ 26 (AAP પાંચ બેઠકો માંગી શકે છે)
હરિયાણા 10: કોંગ્રેસ 10 (AAP બે-ત્રણ બેઠકો માંગી શકે છે)
હિમાચલ પ્રદેશ 4: કોંગ્રેસ 4
ઝારખંડ 14: કોંગ્રેસ 7, જેએમએમ 4, આરજેડી, જેડીયુ, ડાબેરી 3
કર્ણાટક 28: કોંગ્રેસ 28
કેરળ 20: કોંગ્રેસ 16, સ્થાનિક પક્ષો 4
મધ્યપ્રદેશ 29: કોંગ્રેસ 29
મહારાષ્ટ્ર 48: કોંગ્રેસ 18, શિવસેના 15, NCP 15
મણિપુર 2: કોંગ્રેસ 2
મેઘાલય 2: કોંગ્રેસ 2
મિઝોરમ 1: કોંગ્રેસ 1
નાગાલેન્ડ 1: કોંગ્રેસ 1
ઓડિશા 21: કોંગ્રેસ 21
પંજાબ 13: કોંગ્રેસ 13 / AAP 13 (વ્યૂહાત્મક રીતે ગઠબંધનની શક્યતા ઓછી છે કારણ કે તેનાથી ભાજપ-અકાલી દળને ફાયદો થઈ શકે છે)
રાજસ્થાન 25: કોંગ્રેસ 25
સિક્કિમ 1: કોંગ્રેસ 1
તમિલનાડુ 39: કોંગ્રેસ 9, ડીએમકે 24, ડાબેરી 4, સ્થાનિક પક્ષો 2
તેલંગાણા 17: કોંગ્રેસ 17
ત્રિપુરા 2: કોંગ્રેસ 2 (ડાબેરીઓને એક બેઠક મળી શકે છે)
ઉત્તર પ્રદેશ 80: કોંગ્રેસ 8-10, સમાજવાદી પાર્ટી 65, સ્થાનિક પક્ષો 5-7
ઉત્તરાખંડ 5: કોંગ્રેસ 5
પશ્ચિમ બંગાળ 42: કોંગ્રેસ 2–4, TMC 38–40
જમ્મુ કાશ્મીર 5: કોંગ્રેસ 2, NC 2, PDP 1
લદ્દાખ 1: કોંગ્રેસ 1
દિલ્હી 7: કોંગ્રેસ 3, AAP 4
ચંદીગઢ 1: કોંગ્રેસ 1
આંદામાન 1, દાદરા નગર હવેલી 1, દમણ દીવ 1, લક્ષદ્વીપ 1, પુડુચેરી 1 (કુલ 5): કોંગ્રેસ 4, એનસીપી 1

અત્યાર સુધીમાં પટના, બેંગલુરુ, મુંબઈ અને દિલ્હીમાં INDIA ગઠબંધનની 4 બેઠકો થઈ ચૂકી છે. આ ગઠબંધન સામે સૌથી મોટો પડકાર સીટોની વહેંચણી અને ચહેરો નક્કી કરવાનો છે. સૂત્રોનું કહેવું છે કે સીટ શેરિંગ પર અંતિમ મંજૂરી જાન્યુઆરીના અંત સુધીમાં મળી શકે છે. પ્રાદેશિક પક્ષો વધુને વધુ બેઠકો પર ચૂંટણી લડવાની માંગ કરી રહ્યા છે. જ્યારે કોંગ્રેસે તેની તરફથી ફોર્મ્યુલા તૈયાર કરી છે. આ અંગે સર્વસંમતિ સધાય છે કે નહીં તે આગામી દિવસોમાં ખબર પડશે.