નવી દિલ્હી : લોકસભા ચૂંટણી 2024ના પરિણામો(Lok Sabha Election Result 2024) સામે આવ્યા બાદ હવે કેન્દ્રમાં સરકાર બનાવવાના પ્રયાસો તેજ થઈ ગયા છે. ભાજપ બહુમતીથી 32 બેઠકો દૂર છે પરંતુ તેની આગેવાની હેઠળના એનડીએ(NDA) ગઠબંધન પાસે પૂર્ણ બહુમતી છે. આ દરમિયાન એનડીએના સહયોગી અને તેલુગુ દેશમ પાર્ટીના વડા ચંદ્રબાબુ નાયડુએ(Chandrababu Naidu) એક મોટી જાહેરાત કરી છે. ચંદ્રબાબુ નાયડુએ આ વખતની ચૂંટણીને ઐતિહાસિક ગણાવી છે અને કહ્યું છે કે તેઓ એનડીએની બેઠકમાં ભાગ લેવા માટે દિલ્હી જઈ રહ્યા છે.
મતદારોના સમર્થનથી ખૂબ ખુશ- નાયડુ
આંધ્રપ્રદેશ વિધાનસભા અને લોકસભા ચૂંટણીના પરિણામો વિશે વાત કરતા ચંદ્રબાબુ નાયડુએ કહ્યું કે હું મતદારોના સમર્થનથી ખૂબ જ ખુશ છું. રાજકારણમાં ઉતાર-ચઢાવ સામાન્ય છે. ઈતિહાસમાં અનેક રાજકીય નેતાઓ અને પક્ષોની હકાલપટ્ટી કરવામાં આવી છે. આ ઐતિહાસિક ચૂંટણી છે. વિદેશમાં વસતા મતદારો પણ મતદાન કરવા માટે તેમના વતન પરત ફર્યા છે. તેમણે કહ્યું કે ટીડીપીના ઘણા કાર્યકરોને હેરાન કરવામાં આવ્યા છે. રાજ્યમાં મીડિયા પણ હેરાન કરવામાં આવ્યું છે અને મીડિયા હાઉસ સામે સીઆઈડી કેસ નોંધાયા.
કલ્યાણ અને વિકાસ માટે જોડાણ : નાયડુ
ટીડીપીના વડા એન ચંદ્રબાબુ નાયડુએ કહ્યું કે ગઠબંધન રાજ્યના કલ્યાણ અને વિકાસ માટે રચવામાં આવ્યું છે. 55.38 ટકા મતદાન થયું હતું. TDP ને 45 ટકા વોટ મળ્યા અને YSRCP ને 39 ટકા વોટ મળ્યા આંધ્ર પ્રદેશમાં TDP, BJP અને જનસેના પાર્ટી ગઠબંધન આંધ્ર પ્રદેશની ચૂંટણી જીત્યા અને અહીં કુલ 175 બેઠકોમાંથી 164 જીતી. ટીડીપીએ પણ 16 લોકસભા સીટો જીતી છે.
અમે NDA સાથે છીએ : નાયડુ
ટીડીપીના વડા એન ચંદ્રબાબુ નાયડુએ પ્રેસ કોન્ફરન્સમાં કહ્યું કે તમને હંમેશા સમાચાર જોઈએ છે. હું અનુભવી છું અને આ દેશમાં ઘણા રાજકીય ફેરફારો જોયા છે. નાયડુએ કહ્યું કે અમે એનડીએમાં છીએ, હું એનડીએની બેઠકમાં જઈ રહ્યો છું.
