શિવાકાશી : તમિલનાડુના શિવાકાશીમાં એક ફટાકડાની ફેક્ટરીમાં જોરદાર વિસ્ફોટ થયો હતો.આ વિસ્ફોટમાં 6 લોકોના મોત થયા છે. જેમાં બે મહિલા અને ચાર પુરુષનો સમાવેશ થાય છે. જ્યારે 5 થી વધુ લોકો ગંભીર રીતે ઘાયલ થયા છે.આ બચાવ કામગીરીમાં રોકાયેલા લોકોએ જણાવ્યું હતું કે મૃતકોની સંખ્યા વધી શકે છે.
પોલીસ અને ફાયર વિભાગની ટીમો ઘટનાસ્થળે
આ ઘાયલોને સારવાર માટે વિરુધુનગરી સરકારી હોસ્પિટલમાં દાખલ કરવામાં આવ્યા છે. પોલીસ અને ફાયર વિભાગની ટીમો ઘટનાસ્થળે પહોંચી ગઈ છે અને બચાવ કાર્યમાં લાગી ગઈ છે અને કાટમાળ દૂર કરવાનું કામ ચાલુ છે. જેથી ખાતરી કરી શકાય કે અન્ય કોઈ કર્મચારી કાટમાળમાં ફસાયો નથી.
વિસ્ફોટનો અવાજ એક કિલોમીટરથી વધુ દૂર સુધી સંભળાયો
પ્રારંભિક માહિતી અનુસાર, જ્યારે કામદારો ફટાકડા બનાવવાની પ્રક્રિયામાં રસાયણો સાથે કામ કરી રહ્યા હતા ત્યારે વિસ્ફોટ થયો હતો. જોરદાર વિસ્ફોટનો અવાજ એક કિલોમીટરથી વધુ દૂર સુધી સંભળાયો હતો અને ફેક્ટરીમાંથી ભારે માત્રામાં ધુમાડો નીકળતો જોવા મળ્યો હતો.
આ પણ વાંચો…સેન્ટ્રલ આફ્રિકન રિપબ્લિકની સ્કૂલમાં વિસ્ફોટ: વિદ્યાર્થીઓ સહિત 29 લોકોનાં મોત
