તિરુપથુર: તમિલનાડુના શિવગંગા જિલ્લામાં તિરુપથુર નજીક ગમખ્વાર અકસ્માત સર્જાયો છે. જેમાં બે સરકારી બસો સામસામે અથડાતા 11 લોકોના મોત થયા છે અને 30થી વધુ લોકો ઘાયલ થયા છે. આ ઘટનાની જાણ થતા જ પોલીસ અને એમ્બ્યુલનસ ઘટના સ્થળે પહોંચી હતી. તેમજ રાહત અને બચાવ કામગીરી શરુ કરી હતી. હજુ સુધી આ અકસ્માતનું કારણ જાણી શકાયું નથી.
અકસ્માતમાં અનેક મુસાફરો બસમાં ફસાયા
આ દુર્ઘટના અંગે પોલીસે જણાવ્યું હતું કે, એક બસ કરાઈકુડી જઈ રહી હતી જયારે બીજી બસ મદુરાઈ જઈ રહી હતી. ત્યારે તિરુપથુર નજીક રોડ પર બંને બસો સામસામે અથડાઈ હતી. આ અકસ્માતમાં અનેક મુસાફરો બસમાં ફસાયા હતા. જેમને સ્થાનિક લોકો અને તંત્ર દ્વારા બહાર નીકાળવામાં આવ્યા હતા.
દુર્ઘટનામાં અનેક લોકોના સ્થળ પર જ મૃત્યુ
આ અકસ્માતમાં ઘાયલ લોકોને શિવગંગાની સરકારી હોસ્પિટલના સારવાર માટે દાખલ કરવામાં આવ્યા છે. આ અંગે અધિકારીઓ જણાવ્યું છે કે ઘાયલોમાંથી અનેક લોકોની હાલત ગંભીર છે. જેના લીધે મૃતકોની સંખ્યા વધી શકે છે. પોલીસે જણાવ્યું કે અકસ્માત એટલો ગંભીર હતો બંને બસોનો આગળનો હિસ્સો ક્ષતિગ્રસ્ત થયો છે. આ દુર્ઘટનામાં અનેક લોકોના સ્થળ પર જ મૃત્યુ થયા હતા.
આ પણ વાંચો…હિંમતનગરના માથાસુલિયા ગામ પાસે સર્જાયો ગમખ્વાર અકસ્માત, 3 લોકોના મોત અને 2 ઘાયલ
