રાજસ્થાનના જેસલમેરમાંથી શંકાસ્પદ પાકિસ્તાની જાસૂસ ઝડપાયો, સુરક્ષા એજન્સી પૂછપરછ માટે એક્ટિવ

જેસલમેર: ભારત પાકિસ્તાન આંતરરાષ્ટ્રીય સરહદને અડીને આવેલા રાજસ્થાનના(Rajasthan)જેસલમેરમાંથી એક શંકાસ્પદ પાકિસ્તાની જાસૂસની ધરપકડ કરવામાં આવી છે. મળતી માહિતી મુજબ સુરક્ષા એજન્સીઓએ આરોપીને જેસલમેરના મોહનગઢ નહેર વિસ્તારમાંથી પકડ્યો છે.આ ધરપકડ કરાયેલ વ્યક્તિ, પઠાણ ખાન (40), દીનુ ખાનનો પુત્ર,જેસલમેરનો રહેવાસી છે. દિનુ પર ભારતીય ગુપ્ત માહિતી પાકિસ્તાનને મોકલવાનો શંકા છે.

સુરક્ષા એજન્સીઓ પઠાણ ખાનની કડક પૂછપરછ કરી

જેમાં ગુપ્તચર એજન્સીઓએ મોહનગઢ પોલીસ સ્ટેશન સાથે મળીને કેનાલ વિસ્તારના ઝીરો આરડીમાંથી પઠાણ ખાનની ધરપકડ કરી. હવે સુરક્ષા એજન્સીઓ પઠાણ ખાનની કડક પૂછપરછ કરી રહી છે. આ ઉપરાંત પાકિસ્તાનને મોકલવામાં આવેલી ગુપ્ત માહિતી અંગે પણ તપાસ કરવામાં આવી રહી છે. ઉલ્લેખનીય છે કે પઠાણ ખાન કરમો કી ધાનીનો રહેવાસી છે તેના સંબંધીઓ પાકિસ્તાનમાં રહે છે. પઠાણ ખાને વર્ષ 2019માં પાકિસ્તાનની મુલાકાત લીધી હતી. ત્યારથી તે સતત પાકિસ્તાનના સંપર્કમાં હતો અને સુરક્ષા એજન્સીઓ પણ તેના પર નજર રાખી રહી હતી.

આર્મી વિસ્તારના વીડિયો અને ફોટોગ્રાફ્સ મોકલી રહ્યો હતો

સૂત્રો પાસેથી મળતી માહિતી મુજબ, મોહનગઢ કેનાલ વિસ્તારના ઝીરો આરડીમાં પઠાણ ખાનનું ખેતર છે. પઠાણ ખાન ત્યાં રહે છે અને ખેતી કરે છે. સૂત્રોના જણાવ્યા અનુસાર, પઠાણ ખાન ઘણા સમયથી પાકિસ્તાની જાસૂસોને આર્મી વિસ્તારના વીડિયો અને ફોટોગ્રાફ્સ મોકલી રહ્યો હતો.

આ પણ વાંચો : રાહુલ ગાંધીની નાગરિકતાને લઈ વિવાદ! શું હવે સાંસદ પદ ગુમામવું પડશે? વાંચો સમગ્ર અહેવાલ…

મોબાઇલ ફોનની પણ તપાસ શરૂ

જ્યારે સૂત્રોના જણાવ્યા અનુસાર પાકિસ્તાનને ગુપ્ત માહિતી મોકલવાની શંકાના આધારે સુરક્ષા એજન્સીઓ અને મોહનનગર પોલીસ સ્ટેશને સંયુક્ત કાર્યવાહી કરી અને ગઈકાલે રાત્રે લગભગ 3 વાગ્યે પઠાણને તેના ખેતરમાંથી ધરપકડ કરી. સુરક્ષા એજન્સીઓએ તેને પકડી લીધો છે અને સંયુક્ત તપાસ સમિતિ સમક્ષ લાવ્યા છે. જ્યાં જિલ્લામાં કાર્યરત તમામ સુરક્ષા એજન્સીઓ તેની પૂછપરછ કરી રહી છે. આ ઉપરાંત તેના મોબાઇલ ફોનની પણ તપાસ કરવામાં આવી રહી છે.