રામ મંદિર વિશે કેટલીક ખાસ વાતો….
અયોધ્યા: અયોધ્યામાં રામ મંદિરની 22 જાન્યુઆરીના રોજ વડા પ્રધાન નરેન્દ્ર મોદીની હાજરીમાં પ્રાણ પ્રતિષ્ઠા મહોત્સવ યોજાવાનો છે અને વખતે એક લાખથી વધુ શ્રદ્ધાળુઓ અયોધ્યા પહોંચે તેવી સંભાવના છે, તો આલે આજે તમને અયોધ્યામાં બનેલા આ રામ મંદિરની શેર કરાવું પરંપરાગત નગર શૈલીમાં બનેલા રામ મંદિર સંકુલની લંબાઈ પૂર્વ-પશ્ચિમ દિશામાં 380 ફૂટ અને પહોળાઈ 250 ફૂટ તેમજ ઊંચાઈ 161 ફૂટ છે. મંદિરનો દરેક માળ 20 ફૂટ ઊંચો છે અને મંદિરમાં કુલ 392 થાંભલા અને 44 દરવાજાઓ છે.
1949 થી ભક્તો અયોધ્યામાં એક નાના એવા મંદિરમાં રામ લલ્લાની મૂર્તિની સ્થાપના કરીને પીજા કરતા હતા. 2019માં સુપ્રીમ કોર્ટના ઐતિહાસિક ચુકાદા બાદ મંદિર નિર્માણનું કાર્ય જોર શોરથી શરૂ થયું અને આ મંદિરના નિર્માણના કામ માટે આખો દેશ જોડાયો. દેશવાસીઓ પોતપોતાની રીતે મંદિરના નિર્માણ માટે દાન આપવા લાગ્યા.
અયોધ્યામાં નિર્માણાધીન પ્રભુ રામનું મંદિર પરંપરાગત નાગર શૈલીમાં બનાવવામાં આવ્યું છે. આ મંદિરમાં ત્રણ માળનું છે. જેમાં દરેક માળની ઊંચાઈ 20 ફૂટ છે. અને મંદિરમાં નકશીકામ વાળા કુલ 392 સ્તંભ અને 44 દરવાજા બનાવવામાં આવ્યા છે. મુખ્ય ગર્ભગૃહમાં ભગવાન શ્રી રામના બાળ સ્વરૂપને બિરાજમાન કરવામાં આવશે જ્યારે પહેલા માળે શ્રી રામ દરબાર બનાવવામાં આવ્યો છે.
મંદિરમાં કુલ પાંચ મંડપ હશે જેમાં એક નૃત્ય મંડપ, રંગ મંડપ, સભા મંડપ, પ્રાર્થના મંડપ અને કીર્તન મંડપ. સ્તંભો અને દિવાલો પર દેવી-દેવતાઓની પ્રતિમાઓ કોતરવામાં આવી છે. મંદિરમાં પ્રવેશ સિંહદ્વારથી 32 સીડીઓ ચઢીને પૂર્વ બાજુથી કરી શકાશે. મંદિરમાં દિવ્યાંગો અને વૃદ્ધો માટે રેમ્પ અને લિફ્ટની જોગવાઈ પણ કરવામાં આવી છે.
મંદિરની ચારે બાજુ લંબચોરસ દિવાલ રાખવામાં આવી છે. ચારેય દિશામાં તેની કુલ લંબાઈ 732 મીટર અને પહોળાઈ 14 ફૂટ છે. પાર્કના ચાર ખૂણા પર સૂર્ય ભગવાન, મા ભગવતી, ગણપતિ અને ભગવાન શિવને સમર્પિત ચાર મંદિરો બનાવવામાં આવ્યા છે. ઉત્તરમાં મા અન્નપૂર્ણાનું મંદિર અને દક્ષિણ હાથમાં હનુમાનજીનું મંદિર હશે. આ ઉપરાંત મંદિર પાસે પ્રાચીન કાળનો સીતાકૂપ પણ હશે.
મંદિર સંકુલમાં સૂચિત અન્ય મંદિરો મહર્ષિ વાલ્મીકિ, મહર્ષિ વશિષ્ઠ, મહર્ષિ વિશ્વામિત્ર, મહર્ષિ અગસ્ત્ય, નિષાદરાજ, માતા શબરી અને ઋષિપત્ની દેવી અહિલ્યાને સમર્પિત કરવામાં આવ્યા છે. દક્ષિણ-પશ્ચિમ ભાગમાં નવરત્ન કુબેર ટીલા પર ભગવાન શિવના પ્રાચીન મંદિરનો જીર્ણોદ્ધાર કરવામાં આવ્યો છે. અને ત્યાં જટાયુની પ્રતિમા સ્થાપિત કરવામાં આવી છે. મંદિરમાં લોખંડનો ઉપયોગ ક્યાંય પણ કરવામાં આવ્યો નથી.
મંદિરની નીચે 14 મીટર જાડા રોલર કોમ્પેક્ટેડ કોંક્રીટ પાથરવામાં આવી છે. અને તેને કૃત્રિમ ખડકનું સ્વરૂપ આપવામાં આવ્યું છે. મંદિરને માટીના ભેજથી બચાવવા માટે ગ્રેનાઈટથી 21 ફૂટ ઉંચો પ્લિન્થ બનાવવામાં આવ્યો છે. મંદિર સંકુલમાં ગટર ટ્રીટમેન્ટ પ્લાન્ટ, વોટર ટ્રીટમેન્ટ પ્લાન્ટ, અગ્નિશમન માટે પાણીની વ્યવસ્થા અને સ્વતંત્ર પાવર સ્ટેશન પણ બનાવવામાં આવ્યા છે, જેથી બાહ્ય સંસાધનો પર ઓછામાં ઓછી નિર્ભરતા રાખવી પડે.
25,000ની ક્ષમતા ધરાવતું એક યાત્રાળુ સુવિધા કેન્દ્ર બનાવવામાં આવી રહ્યું છે, જ્યાં યાત્રાળુઓનો સામાન અને તબીબી સુવિધાઓ રાખવા માટે લોકર હશે.
મંદિર પરિસરમાં બાથરૂમ, શૌચાલય, વોશ બેસિન, ખુલ્લા નળ વગેરેની પણ સુવિધા પણ રાખવામાં આવી છે. મંદિરનું નિર્માણ સંપૂર્ણપણે ભારતીય પરંપરા અનુસાર અને સ્વદેશી ટેક્નોલોજીથી કરવામાં આવી રહ્યું છે. પર્યાવરણ-જળ સંરક્ષણ પર વિશેષ ધ્યાન આપવામાં આવ્યું છે. કુલ 70 એકર વિસ્તારમાં પથરાયેલા આ મંદિરનો 70% વિસ્તાર હંમેશા હરિયાળો રહે તે રીતે મંદિરનું બાંધકામ તૈયાર કરવામાં આવ્યું છે.
