કેદારનાથમાં સિઝનની પહેલી હિમવર્ષાનો અદભૂત નઝારો
![Pilgrims enjoying the snowfall in Kedarnath, Uttarakhand](https://bombaysamachar.com/wp-content/uploads/2023/10/Kedarnath.webp)
દહેરાદૂનઃ રાજધાની દિલ્હી સહિત સમગ્ર ઉત્તર ભારતના હવામાનમાં પલટો આવ્યો છે. ઉત્તર ભારતમાં છાને પગલે ફૂલગુલાબી ઠંડીનું આગમન થઇ ગયું છે અને ઉંચાઇવાળા વિસ્તારોમાં તો રૂની પુણી જેવી ધોળી ધોળી હિમ વર્ષા પણ શરૂ થઇ ગઇ છે. આ દરમિયાન હિમાલયમાં પણ હિમવર્ષા શરૂ થઈ ગઈ છે. હવામાન બદલાતાની સાથે જ ઉત્તરાખંડના પવિત્ર કેદારનાથ ધામમાં આ સીઝનની પ્રથમ હિમવર્ષાનો અદભૂત નજારો જોવા મળી રહ્યો છે.
કેદારનાથ ધામ ઘણી ઉંચાઇએ આવેલું હોવાથી આમ પણ અહીં વાતાવરણ કામ ઠંડુ જ હોય છે, પણ હવે અહીં હિમ વર્ષા શરૂ થઇ ગઇ છે. હિમવર્ષાને કારણે ઠંડીમાં વધારો થયો છે. જોકે, કેદારનાથ ધામમાં ભગવાનના દર્શને આવતા લોકોના ઉત્સાહમાં કોઇ ઘટાડો નથી થયો. ભક્તો હિમવર્ષાનો ભરપૂર આનંદ માણી રહ્યા છે. આજે સવારથી રાજ્યના કેટલાક જિલ્લાઓમાં વાદળછાયું વાતાવરણ છે અને અનેક જગ્યાએ ઝરમર વરસાદ વરસ્યો હતો.
ગયા શનિવારે કેદારનાથમાં બપોરથી બપોર સુધી ત્રણ કલાક સુધી વરસાદ પડ્યો હતો. આ સમયગાળા દરમિયાન, ઉપરની ટેકરીઓ પર હળવા હિમવર્ષા થઈ હતી. ધામમાં મહત્તમ તાપમાન 10 અને લઘુત્તમ તાપમાન માઈનસ 3 ડિગ્રી નોંધાયું હતું. શનિવાર સવારથી ધામમાં વાતાવરણ ચોખ્ખું હતું. આ સમયગાળા દરમિયાન દૂધ ગંગા, વાસુકીતલ અને ચોરાબારી તાલ વિસ્તારોમાં પણ હિમવર્ષા થઈ હતી.