(અમારા પ્રતિનિધિ તરફથી)
અમદાવાદ: ગુજરાતમાં ફરી સિંગતેલના ભાવમાં રૂ.૮૦નો વધારો થયો હતો. સિંગતેલના ૧૫ કિલા ડબ્બાનો ભાવ રૂ. ૨૭૦૦થી ૨૮૦૦ થયો છે. રાજ્યમાં મગફળીની મોટી આવક છતાં ભાવમાં ઘટાડો થતો નથી. જેના પગલે ગૃહિણીઓનું બજેટ ખોરવાયું છે
પ્રાપ્ત માહિતી અનુસાર રાજ્યમાં ચાલુ વર્ષે ખાદ્ય તેલોના ભાવમાં સતત વધારો થતા મધ્યમ વર્ગ અને ગરીબોની હાલત કફોડી બની છે. રાજ્યમાં સિંગતેલ ડબ્બાનો ૧૫ કિલોનો ભાવ રૂપિયા ૨૭૦૦ થી ૨૮૦૦ થયો છે. દિવાળી બાદ સિંગતેલના ડબ્બે ભાવમાં ૮૦ રૂપિયાનો વધારો થયો છે.
હાલ મોટા પ્રમાણમાં નવી મગફળી ઓઇલ મિલોમાં પિલાણ માટે પહોંચી રહી છે. મગફળીની મોટી આવક છતાં ભાવમાં કોઈ ઘટાડો થયો નથી. ચાલુ વર્ષે સિંગતેલ ડબ્બો રૂપિયા ૨૮૦૦થી ૩૦૦૦ આસપાસ રહેવાની સંભાવના છે.
