વિદેશ મંત્રી એસ. જયશંકરનું મોટું નિવેદન, અમેરિકા અને ચીનની નવી શરતોથી વૈશ્વિક અસ્થિરતા

કોલકાતા : ભારત અમેરિકા વચ્ચે ચાલી રહેલા ટેરિફ વિવાદ વચ્ચે વૈશ્વિક અસ્થિરતા મુદ્દે ભારતના વિદેશ મંત્રી એસ. જયશંકરે પોતાનો મત વ્યક્ત કર્યો છે. તેમણે કોલકાતામાં વૈશ્વિક વ્યવસ્થાને અસ્થિર બનાવવા બદલ અમેરિકા અને ચીનને જવાબદાર ગણાવ્યા છે. તેમણે કહ્યું છે કે અમેરિકા હવે પ્રત્યક્ષ રીતે દેશો સાથે વાટાઘાટો કરી રહ્યું છે. જ્યારે ચીને તેની શરતોમાં કઠોર વલણ અપનાવ્યું છે. એસ. જયશંકરે જણાવ્યું કે આ બે દેશોની નવી શરતોના લીધે અન્ય દેશોને નક્કી કરવામાં મુશ્કેલી પડી રહી છે કે તેમણે સ્પર્ધા પર ધ્યાન કેન્દ્રિત કરવું જોઈએ કે જુના કરારો પર કરવું જોઈએ. જેની સીધી અસર વૈશ્વિક સપ્લાઈ ચેન પર પડી રહી છે.

વિશ્વના ઘણા દેશો મૂંઝવણમાં

તેમણે વધુમાં જણાવ્યું કે, અમેરિકા હવે નવી શરતો પર વ્યક્તિગત દેશો સાથે સીધી વાટાઘાટો કરી રહ્યું છે. જયારે બીજી તરફ ચીન પણ પોતાના નિયમોને વધુ કડક રીતે લાગુ કરી રહ્યું છે. આ સ્થિતિમાં વિશ્વના ઘણા દેશો મૂંઝવણમાં છે અને સંભવિત જોખમોને ટાળવા માટે તમામ વિકલ્પો ખુલ્લા રાખી રહ્યા છે.

આ પણ વાંચો: ‘ભારત આતંકવાદ સામે કાર્યવાહી ચાલુ રાખશે’; યુદ્ધવિરામની જાહેરાત બાદ એસ જયશંકરનું નિવેદન

મુક્ત વેપાર કરારો માટે માંગ અને ઉત્સાહમાં વધારો

તેમણે કહ્યું કે વૈશ્વિકરણ પુરવઠાની અસુરક્ષા અને વધતા જતા ભૂ-રાજકીય તણાવને કારણે દેશો દરેક આકસ્મિક પરિસ્થિતિ માટે પોતાને તૈયાર કરી રહ્યા છે. જ્યાં શક્ય હોય ત્યાં તેઓ મુશ્કેલ પસંદગીઓ ટાળી રહ્યા છે અને જ્યાં તેમને ફાયદો દેખાય છે ત્યાં ઝડપી નિર્ણયો લઈ રહ્યા છે. તેમણે કહ્યું કે આનાથી વિવિધ ક્ષેત્રોમાં મુક્ત વેપાર કરારો માટે માંગ અને ઉત્સાહમાં વધારો થયો છે.

આ પણ વાંચો: China ને લઇને વિદેશમંત્રી એસ. જયશંકરનું મોટું નિવેદન, કહી આ વાત

સપ્લાઈ ચેનની વિશ્વસનીયતા પર પ્રશ્નો

એસ. જયશંકરે જણાવ્યું કે ચીન હવે વૈશ્વિક ઉત્પાદનમાં એક તૃતીયાંશ હિસ્સો ધરાવે છે. જે સપ્લાઈ ચેનની વિશ્વસનીયતા પર પ્રશ્નો ઉભા કરે છે. તેમજ યુદ્ધ અને આબોહવા સંકટોએ આ ખતરાને વધુ મુશ્કેલ બનાવી રહ્યા છે. અમેરિકા એક મુખ્ય ઉર્જા નિકાસકાર બની ગયું છે. જ્યારે ચીન નવીનીકરણીય ઉર્જા પર પ્રભુત્વ ધરાવે છે. આ પરિવર્તન વૈશ્વિક સંતુલનને અસર કરી રહ્યું છે.

આ પણ વાંચો: ભારત-ચીનના વિવાદ મામલે એસ. જયશંકરનું નિવેદન “અન્ય ત્રીજા દેશ તરફ કોઇ નજર નહિ”

પુરવઠાના અવરોધો અંગેની અનિશ્ચિતતા

તેમણે જણાવ્યું હતું કે માંગ અને પુરવઠાના અવરોધો અંગેની અનિશ્ચિતતા વેપાર જોખમો વધારી રહી છે. ટેરિફ દરોએ વૈશ્વિક વેપારને નષ્ટ કરી દીધો છે. નાણાકીય ક્ષેત્રમાં પ્રતિબંધોનો વધતો ઉપયોગ, સંપત્તિ જપ્તી અને બ્લોક ચેન ટેકનોલોજીનો ઉદય એક નવા વૈશ્વિક નાણાકીય માળખા તરફ ઈશારો કરી રહ્યો છે.

દેશો સમાંતર વિકલ્પો પણ શોધી રહ્યા છે

તેમજ વિશ્વ એવી પરિસ્થિતિમાં પ્રવેશી રહ્યું છે જ્યાં દરેક દેશ તેની સુરક્ષા, આર્થિક હિતો અને ભાવિ વ્યૂહરચનાઓને ફરીથી વ્યાખ્યાયિત કરી રહ્યો છે. અમેરિકા અને ચીન બંને સાથે સીધા જોડાણ કરતી વખતે દેશો કોઈપણ કટોકટીથી પ્રભાવિત ન થાય તેની ખાતરી કરવા માટે સમાંતર વિકલ્પો પણ શોધી રહ્યા છે.