નાગપુર : સમગ્ર વિશ્વમાં એઆઈનો ઉપયોગ સતત વધી રહ્યો છે. ત્યારે આરએસએસ વડા મોહન ભાગવતે નાગપુરમાં આયોજિત પુસ્તક મેળાને સંબોધિત કરતા જણાવ્યું કે એઆઈ ઉપયોગ આપણે સમજણપૂર્વક કરવાનો છે. આ ટેકનોલોજીને આપણે રોકી નહી શકીએ પણ તેનો વિવેકપૂર્ણ ઉપયોગ કરવાની જરુર છે. આપણે તેના માલિક બનવાનું છે. તેમણે કહ્યું કે એઆઈનો ઉપયોગ માનવ કલ્યાણ માટે થવો જોઈએ.
મોબાઈલ આપણો ઉપયોગ કરે છે
તેમણે વધુમાં જણાવ્યું કે, જયારે મોબાઈલ આવ્યો ત્યારે તે અમારું સાધન હતું ટેકનોલોજીમાં તેનો ઉપયોગ છે. આપણે આપણી ઈચ્છા મુજબ તેનો ઉપયોગ કરીએ છીએ,પરંતુ આજે એવું નથી થતું, હાલમાં મોબાઈલ આપણો ઉપયોગ કરે છે. તેમજ જો આપણે ચાર કલાક મોબાઈલ વિના વિતાવી નથી શકતા તેથી તેનો ઉપયોગ સીમિત કરવાની જરૂર છે.
માનવ કલ્યાણ માટે એઆઈનો ઉપયોગ જરૂરી
મોહન ભાગવતે આગળ કહ્યું કે આ બધા સાધનો છે. આપણે નક્કી કરીશું કે તેનો ઉપયોગ માનવ કલ્યાણ માટે કેવી રીતે કરવો. આપણે તેનો ઉપયોગ મશીન તરીકે કરવો જોઈએ. એઆઈનો ઉપયોગ માનવ કલ્યાણ માટે થવો જોઈએ. જેમાં મનુષ્યોને વધુ સારા બનાવવા માટે કરવો પડશે. આપણે આ શીખવું પડશે. એઆઈના કારણે માનવ લાગણીઓનું શું થશે તેનો ડર છે. પરંતુ તે એઆઈ હજુ સુધી આવ્યું નથી. આપણે આનું ધ્યાન રાખવું પડશે જેથી તે આવે તે પહેલાં આપણે તૈયાર રહેવું જોઈએ.
તમામ સુખ વચ્ચે સંતુલન જળવાશે તો એઆઈનો યોગ્ય ઉપયોગ કરી શકાશે
મોહન ભાગવતે જણાવ્યું કે ફક્ત મારૂ જીવન ખુશમય બને તેવા વિચાર ના હોવા જોઈએ. માત્ર ભૌતિક સુખથી જીવનમાં સુખ નથી આવતું.
મનુષ્ય પાસે મન છે. આપણને શરીર અને મન બંનેના સુખની જરૂર છે. આપણને બૌદ્ધિક સુખની પણ જરૂર છે. તેમજ આપણને આ બધાની એક સાથે જરૂર છે. ત્યારે તેમની વચ્ચે સંતુલનની જરૂર છે. જો આપણે આ સંતુલન યાદ રાખીએ, તો આપણે એઆઈનો યોગ્ય ઉપયોગ કરી શકીશું.
આ પણ વાંચો…ભારત અને હિન્દુ સમાનાર્થી છે: મોહન ભાગવત…
