રાજસ્થાનના કોટામાં શનિવારે રાત્રે એક મોટી દુર્ઘટના સર્જાઈ છે. જેમાં તલવંડી વિસ્તારમાં એક ત્રણ માળની ઇમારત અચાનક ધરાશાયી થઈ હતી. જેમાં “દિલ્હી નોન-વેજ” નામની રેસ્ટોરન્ટ ગ્રાઉન્ડ ફ્લોર પર હતી. આ અકસ્માત સમયે રેસ્ટોરન્ટમાં કર્મચારીઓ અને ગ્રાહકો હતા અને એવી આશંકા છે કે તેઓ કાટમાળ નીચે ફસાયા છે. આ દુર્ઘટનામાં અત્યાર સુધી પાંચ લોકોને રે રેસ્ક્યુ કરવામાં આવ્યા છે. આ દુર્ઘટના રાત્રે નવ વાગ્યેની આસપાસ ઘટી હતી.
પાંચ લોકોને રે રેસ્ક્યુ કરવામાં આવ્યા
આ દુર્ઘટનાની માહિતી મળતા જ પોલીસ, વહીવટીતંત્ર અને ફાયર બ્રિગેડની ટીમો ઘટનાસ્થળે પહોંચી હતી. તેમજ બચાવ કામગીરી શરૂ કરવામાં આવી છે. જોકે, સલામતીના કારણોસર, સમગ્ર વિસ્તારનો વીજ પુરવઠો કાપી નાખવામાં આવ્યો હતો. આ કાટમાળ દૂર કરવા માટે હાલમાં JCB મશીનોનો ઉપયોગ કરવામાં આવી રહ્યો છે. આ દુર્ઘટનામાં અત્યાર સુધી પાંચ લોકોને રે રેસ્ક્યુ કરવામાં આવ્યા છે. તેમને હોસ્પિટલમાં લઈ જવામાં આવ્યા છેલ્લા એક કલાકથી બચાવ કામગીરી ચાલુ છે, જોકે હજુ સુધી એ સ્પષ્ટ નથી કે કેટલા લોકો અંદર ફસાયેલા છે.
અકસ્માત પૂર્વે એક મોટો વિસ્ફોટ થયો હતો
આ અંગે પ્રત્યક્ષદર્શીઓએ જણાવ્યું છે કે, અકસ્માત પૂર્વે એક મોટો વિસ્ફોટ થયો હતો. તેમજ થોડીવારમાં જ આખી ઇમારત ધરાશાયી થઈ ગઈ હતી. તેમજ આં કાટમાળમાંથી “મદદ, મદદ!” ની બૂમો આવતી હતી. જેના કારણે સ્થાનિકો મદદ માટે દોડી આવ્યા હતા.
