કોલકાતા: પશ્ચિમ બંગાળના રાજ્યપાલ સીવી આનંદ બોઝે એક મહત્વપૂર્ણ જાહેરાત કરી છે. જેમાં કેન્દ્ર સરકારના નિર્દેશનો અમલ કરીને રાજ્યપાલ સીવી આનંદ બોઝે શનિવારે કોલકાતામાં રાજભવનનું નામ બદલીને “લોક ભવન” રાખવામાં આવ્યું છે.આ અંગે જાહેર કરવામાં આવેલા સત્તાવાર પરિપત્ર મુજબ, ગૃહ મંત્રાલયના 25.11.2025 ના પત્ર અનુસાર કોલકાતામાં ‘રાજભવન, ફ્લેગસ્ટાફ હાઉસ અને દાર્જિલિંગમાં રાજભવન સંકુલના નામ ‘લોક ભવન’ કરવામાં આવ્યા છે. આ પરિપત્રમાં જણાવાયું છે કે આ આદેશ તાત્કાલિક અમલમાં આવશે.
સત્તાવાર લેટરહેડ પર લોકભવન લખવામાં આવશે
રાજ્યપાલ બોઝે એક્સ પર પણ આ માહિતી શેર કરી છે. તેમણે લખ્યું કે, રાજભવનને લોકભવન કરવા પાછળનો વિચાર લોકોને રાજભવનની નજીક લાવવાની ઇચ્છા હતી.
લોકોની આશાઓ, સમસ્યાઓ અને અપેક્ષાઓને મહત્વ આપીને ઇમારતને જીવંત બનાવવાનો છે. જયારે ગવર્નર હાઉસના એક અધિકારીએ જણાવ્યું હતું કે, “સત્તાવાર લેટરહેડ પર ‘રાજભવન’ ને બદલે ‘લોકભવન’ લખવામાં આવશે. ગેટ પર નેમ પ્લેટો પણ બદલવામાં આવશે અને વેબસાઇટ પર નામ બદલવામાં આવશે.
આ પણ વાંચો…પશ્ચિમ બંગાળમાં SIR મુદ્દે મમતા બેનર્જી આક્રમક, કહ્યું બંગાળ મેળવવામાં ગુજરાત ગુમાવવું પડશે
