નવી દિલ્હી : લોકસભામાં(Loksabha) સોમવારે રાહુલ ગાંધીએ(Rahul Gandhi)આપેલા નિવેદનને રેકોર્ડ પરથી દૂર કરવામાં આવ્યા છે. લોકસભામાં વિપક્ષના નેતાએ લગભગ 100 મિનિટ સુધી ખૂબ જ આક્રમક રીતે ભાષણ આપ્યું હતું. આ દરમિયાન તેમણે વડાપ્રધાન નરેન્દ્ર મોદી,(PM Modi)ભાજપ અને સરકાર પર અનેક આરોપો લગાવ્યા હતા. તેમણે અગ્નિવીર યોજનાને સેનાની નહીં પણ પીએમઓની યોજના ગણાવી હતી.રાહુલ ગાંધીએ એમ પણ કહ્યું કે પોતાને હિન્દુ Hindu)ગણાવતા લોકો હિંસા અને નફરત ફેલાવે છે. હવે તેની ઘણી વસ્તુઓ રેકોર્ડમાંથી હટાવી દેવામાં આવી છે. આ સિવાય પીએમ મોદી અને ભાજપ પર નફરત ફેલાવવાનો આરોપ પણ લાગ્યો હતો. રાહુલ ગાંધીના ભાષણ દરમિયાન ગૃહમાં ભારે હોબાળો થયો હતો. શાસક પક્ષે રાહુલ ગાંધીનો જોરદાર વિરોધ કર્યો અને તેમની પાસેથી માફી માંગવાની માંગ કરી.
આ બાબતોને ગૃહની કાર્યવાહીમાંથી હટાવી દેવામાં આવી હતી
-હિંદુઓ અને હિંસા અંગે રાહુલ ગાંધીએ આપેલા નિવેદનોને સંસદની કાર્યવાહીમાંથી હટાવી દેવામાં આવ્યા છે.
-ભાજપ દ્વારા લઘુમતીઓ સાથે અન્યાય કરવામાં આવે છે. આ પણ દૂર કરવામાં આવ્યું છે.
-અગ્નવીર સેનાની યોજના નથી, પીએમઓની યોજના છે, આ પણ હટાવી દેવામાં આવ્યું છે.
-રાહુલ ગાંધીએ કહ્યું હતું કે ભાજપ 24 કલાક નફરત અને હિંસા ફેલાવે છે. આ નિવેદન પણ કાર્યવાહીનો ભાગ નથી.
-રાહુલે કહ્યું હતું કે, જ્યારે હું પીએમ મોદીને જોઉં છું ત્યારે તેઓ હસતા નથી. આ નિવેદન પણ હટાવી દેવામાં આવ્યું છે.
-રાહુલ ગાંધીએ અંબાણી અને અદાણી વિશે કરેલી ટિપ્પણીઓ પણ હવે રેકોર્ડમાં નથી.
-કોટામાં NEET પરીક્ષા કેન્દ્રિય છે અને જે વસ્તુથી અમીરોને ફાયદો થાય છે તે પણ દૂર કરવામાં આવી છે.
રાહુલ ગાંધીના નિવેદનની મુખ્ય વાતો
નોંધનીય છે કે રાહુલ ગાંધીએ સોમવારે લોકસભામાં વિપક્ષના નેતા તરીકે પ્રથમ ભાષણ આપ્યું હતું. આ દરમિયાન તેમણે ભાજપ અને પીએમ મોદી પર આકરા પ્રહારો કર્યા હતા. રાહુલ ગાંધીએ શાસક પક્ષના નેતાઓ પર લોકોને સાંપ્રદાયિક ધોરણે વહેંચવાનો આરોપ લગાવ્યો. રાહુલ ગાંધીએ એમ પણ કહ્યું કે પોતાને હિન્દુ ગણાવતા લોકો હિંસા અને નફરત ફેલાવે છે.
આ નિવેદન પર પીએમ મોદીએ પોતાની સીટ પરથી ઉભા થઈને વિરોધ નોંધાવ્યો હતો. પીએમ મોદીએ કહ્યું કે હિન્દુ સમાજને હિંસક કહેવું દુર્ભાગ્યપૂર્ણ છે. આ સિવાય ગૃહમંત્રી અમિત શાહ, રાજનાથ સિંહ અને શિવરાજ સિંહ ચૌહાણે પણ રાહુલ ગાંધીના ભાષણ દરમિયાન દરમિયાનગીરી કરી હતી.
Also Read –
