મુંબઈ, સુરત ધડાકાના આરોપીનો પુરાવાના અભાવે છુટકારો
અજમેર: ટાડા કોર્ટે ૧૯૯૩ના શ્રેણીબદ્ધ બોમ્બ બ્લાસ્ટ કેસમાં અબ્દુલ કરીમ ટુંડાને નિર્દોષ જાહેર કર્યો છે. ૫-૬ ડિસેમ્બર, ૧૯૯૩ની રાત્રે લખનઊ, કાનપુર, હૈદરાબાદ, સુરત અને મુંબઈમાં વિસ્ફોટોનું આયોજન કરવા બદલ ટુંડા અને અન્ય બે આરોપી, ઈરફાન ઉર્ફે પપ્પુ અને હમીરુદ્દીન સામે આરોપો ઘડવામાં આવ્યા હતા.
સીબીઆઈએ ટુંડા પર ૧૯૯૨ની બાબરી મસ્જિદ ધ્વંસની પ્રથમ વરસી પર ચાર ટ્રેનમાં થયેલા વિસ્ફોટો પાછળ ટુંડા માસ્ટરમાઇન્ડ હોવાનો આરોપ મૂક્યો હતો.
પુરાવાના અભાવે આતંકવાદ અને વિક્ષેપ વિરોધી પ્રવૃત્તિઓ અધિનિયમ (ટાડા) કોર્ટે ૨૯ ફેબ્રુઆરીએ ૧૯૯૩ના શ્રેણીબદ્ધ બોમ્બ વિસ્ફોટના કેસમાં મુખ્ય આરોપી અબ્દુલ કરીમ ટુંડાને નિર્દોષ જાહેર કર્યો હતો .
ટુંડાના એડવોકેટ શફકત સુલતાનીએ જણાવ્યું હતું કે સીબીઆઈ અબ્દુલ કરીમ ટુંડા સામે કોઈ મજબૂત પુરાવા રજૂ કરવામાં નિષ્ફળ રહી છે.
સુલતાનીએ પત્રકારોને જણાવ્યું હતું કે અબ્દુલ કરીમ ટુંડા નિર્દોષ છે. અમે શરૂઆતથી જ કહી રહ્યા હતા કે અબ્દુલ કરીમ ટુંડા નિર્દોષ છે.
આજે કોર્ટે આ ચુકાદો આપ્યો હતો. અબ્દુલ કરીમ ટુંડાને તમામ કલમો અને તમામ કાયદાઓમાં નિર્દોષ જાહેર કરવામાં આવ્યો છે. સીબીઆઈ પ્રોસિક્યુશન ટાડા, આઈપીસી, રેલવે એક્ટ, આર્મ્સ એક્ટ અથવા વિસ્ફોટક પદાર્થ અધિનિયમમાં કોર્ટ સમક્ષ કોઈ નક્કર પુરાવા રજૂ કરી શક્યું નથી.
ઈરફાન અને હમીદુદ્દીનને દોષિત ઠેરવવામાં આવ્યા છે અને ટૂંક સમયમાં સજા જાહેર કરવામાં આવશે.