નવી દિલ્હી : દેશમાં નીટ (NEET)પેપર લીકને લઇને એક તરફ સીબીઆઇએ તપાસ શરૂ કરી છે. તો બીજી તરફ આ મુદ્દે રાજકારણ પણ ગરમાયું છે. જેમાં કોંગ્રેસ નેતા રાહુલ ગાંધી અને કોંગ્રેસ મહાસચિવ પ્રિયંકા ગાંધીએ(Priyanka Gandhi) મોદી સરકાર પર આકરા પ્રહાર કર્યા છે. તેમણે સોશિયલ મીડિયા પ્લેટફોર્મ X પર તેમની આકરી પ્રતિક્રિયા આપી હતી.
દેશની સૌથી મોટી પરીક્ષાઓની સ્થિતિ ખરાબ
પ્રિયંકા ગાંધીએ લખ્યું છે કે દેશના સક્ષમ યુવાનો ભાજપના ભ્રષ્ટાચાર સામે લડવામાં પોતાનો સૌથી કિંમતી સમય અને શક્તિ વેડફી રહ્યા છે અને મોદીજી માત્ર શો જોઈ રહ્યા છે. આ ઉપરાંત તેમણે હાલના દિવસોમાં લીક થયેલા પેપરનો ઉલ્લેખ કરીને મોદી સરકાર પર પ્રહારો કર્યા હતા. પ્રિયંકાએ લખ્યું, “NEET-UG પેપર લીક થયું, NEET PGનું પેપર રદ થયું. UGC નેટની પરીક્ષા રદ થઈ અને પછી CSIR NET રદ થઈ. આજે દેશની સૌથી મોટી પરીક્ષાઓની આ સ્થિતિ છે.
દેશનું શિક્ષણ અસમર્થ હાથોમાં સોંપવાનો આરોપ
પ્રિયંકા ગાંધીએ વધુમાં કહ્યું કે ભાજપના શાસનમાં સમગ્ર શિક્ષણ માળખું માફિયાઓ અને ભ્રષ્ટાચારીઓને સોંપી દેવામાં આવ્યું છે. દેશનું શિક્ષણ અને બાળકોનું ભવિષ્ય લોભી લોકોના હાથમાં સોંપવાની રાજકીય જીદ અને અભિમાને પેપર લીક, પરીક્ષા રદ કરવી, કેમ્પસમાંથી શિક્ષણ નાબૂદ કરવું અને રાજકીય ગુંડાગીરીએ આપણી શિક્ષણ વ્યવસ્થાની ઓળખ બની ગઈ છે. સ્થિતિ એવી થઈ ગઈ છે કે ભાજપ સરકાર પારદર્શકતાથી પરીક્ષા પણ લઈ શકતી નથી.
મોદી સરકાર શિક્ષણ માફિયા સામે લાચાર : રાહુલ ગાંધી
જ્યારે કોંગ્રેસ નેતા રાહુલ ગાંધીએ પણ NEET-PG પરીક્ષા મોકૂફ રાખવાને લઈને કેન્દ્ર સરકાર પર જોરદાર નિશાન સાધ્યું છે. તેમણે સોશિયલ મીડિયા પ્લેટફોર્મ પર કહ્યું કે હવે સ્પષ્ટ થઈ ગયું છે કે નરેન્દ્ર મોદીની અસમર્થ સરકાર પેપર લીક રેકેટ અને શિક્ષણ માફિયા સામે સંપૂર્ણપણે લાચાર છે. આપણે તેનાથી દેશનું ભવિષ્ય બચાવવાનું છે.
