ટ્રમ્પના ટેરિફનીઅસરઃ દેશનો પ્રાઈવેટ મેન્યુફેક્ચરિંગ રેટ ચાર મહિનાને તળિયેઃ નોકરીયો ક્યાંથી આવશે

નવી દિલ્હીઃ રોજગાર ઊભા કરવામાં પ્રાઈવેટ મેન્યુફેક્ચરિંગ સેક્ટર ખૂબ જ અગત્યનો ભાગ ભજવે છે, પરંતુ ચિંતાજનક સમાચાર એ છે દેશમાં છેલ્લા ચાર મહિનામાં સપ્ટેમ્બર મહિનાનો મેન્યુફેક્ચરિંગ રેટ તળિયે બેસી ગયો છે. HSBC પરચેઝિંગ મેનેજર્સ ઇન્ડેક્સ (PMI) અનુસાર સપ્ટેમ્બરમાં દેશના પ્રાઈવેટ સેક્ટરના મેન્યુફેક્ચરિંગમાં ઘટાડો થયો હતો. ડેટા દર્શાવે છે કે છેલ્લા ચાર મહિનામાં સૌથી નીચા સ્તરે પહોંચી ગયો છે. HSBC પરચેઝિંગ મેનેજર્સ ઇન્ડેક્સ (PMI) અનુસાર, સપ્ટેમ્બરમાં આ આંકડો 59.3 થી ઘટીને 57.7 થયો છે. નિષ્ણાતોના જણાવ્યા અનુસાર યુએસ ટેરિફ નીતિની સીધી અસર આ સેક્ટર પર પડી છે. નવા ઓર્ડર, આઉટપુટ અને ઇનપુટ ખરીદીની ધીમી પડી છે, જેની અસર ઉત્પાદન ક્ષેત્ર પર પડી છે. આ અહેવાલમાં વધારે ચિંતાજનક વાત એ છે કે નવા રોજગાર સર્જાઈ રહ્યા નથી. સર્વે અનુસાર ત્યાર સુધીમાં વિકાસનો દર સૌથી ઓછો રહ્યો છે, જેનો સીધો અર્થ એ છે કે બજારમાં કોઈ નવી રોજગારીની તકો નહીં ઊભી થઈ રહી નથી.

આ પણ વાંચો : ટ્રમ્પના નવા ટેરિફથી ભારતના ફર્નિચર ઉદ્યોગને થશે કેટલું નુકસાન?

પરચેઝિંગ મેનેજર્સ ઇન્ડેક્સ દેશના પ્રાઈવેટ મેન્યુફેક્ચિંગ સેક્ટરની માસિક પ્રવૃત્તિ અંગે માહિતી આપે છે. જો પીએમઆઈનો આંકડો 50થી ઉપર હોય તો તે સેક્ટરનો ગ્રોથ દેખાડેછે, પરંતુ નીચે હોય તો તે નિરાશાજનક માનવામાં આવે છે. સપ્ટેમ્બર મહિનામાં આ ઈન્ડેક્સ 57.7 રહ્યો છે. જે સારો હોવા છતા નેગેટીવ છે કારણ કે આગળના મહિનાઓની સરખામણીમાં તે ઓછો છે, તેમ નિષ્ણાતો જણાવે છે.

નિષ્ણાતોનો આશાવાદ

ટ્રમ્પની ટેરિફનીતિથી દેશના ઘણા સેક્ટરોને અસર થઈ છે, પરંતુ હવે નવા જીસએટી દરોને લીધે કોમોડીટી રેટમાં ઘટાડો થયોછે, જેનાથી માગમાં વધારો થશે, તેમ જાણકારો માને છે. નિષ્ણાતોના જણાવ્યા અનુસાર સપ્ટેમ્બર મહિનામાં હેડલાઈન ઈન્ડેક્સ નરમ રહ્યો છે, સપ્ટેમ્બરમાં નવા નિકાસના ઓર્ડર આવી રહ્યા છે. અમેરિકાના વિકલ્પ તરીકે યુરોપના દેશો, એશિયા અને મધ્ય પૂર્વીય દેશોની માગમાં વધારો થશે, જેથી પરિસ્થિતિ નિયંત્રણમાં આવતા વાર લાગશે નહીં. જોકે નોકરીની વાત કરીએ તો માત્ર 2 ટકા કંપનીઓએ નવા સ્ટાફની ભરતી કરી છે. આથી નવી રોજગારી ઊભી થાય તે ખૂબ જરૂરી છે.