નવી દિલ્હી : જમિયત ઉલેમા-એ-હિંદના વડા મૌલાના મહમૂદ મદનીના જુલમ અને જેહાદના નિવેદનથી રાજકીય વિવાદ સર્જાયો છે. તેમના નિવેદનને ભાજપે વખોડ્યું છે. ભાજપના રાષ્ટ્રીય પ્રવક્તા અને સાંસદ સંબિત પાત્રાએ આ નિવેદનને ઉશ્કેરણીજનક, વિભાજનકારી અને તદ્દન અયોગ્ય ગણાવ્યું છે.
જેહાદનું આહ્વાન કરવું એ રાષ્ટ્રની એકતા પર હુમલો
સંબિત પાત્રાએ વધુમાં જણાવ્યું કે, મૌલાના મદનીએ નિવેદનમાં જેહાદ શબ્દનો ઉપયોગ કરતા કહ્યું કે જ્યાં પણ જુલમ હોય ત્યાં જેહાદ થવો જોઈએ. આવા શબ્દો દેશને વિભાજીત કરે છે. જેહાદના નામે વિશ્વના ઘણા ભાગોમાં આતંકવાદ ફેલાયો છે. ભારતમાં તેને ન્યાયી ઠેરવવો અસ્વીકાર્ય છે.તેમણે વધુમાં જણાવ્યું હતું કે ભારતમાં જેહાદનું આહ્વાન કરવું એ રાષ્ટ્રની એકતા પર હુમલો છે અને આ નિવેદનની તપાસ થવી જોઈએ.
जमीयत उलेमा-ए-हिंद प्रमुख मौलाना महमूद मदनी का भोपाल में दिया गया बयान भड़काऊ और देश को बांटने वाला है।
— Sambit Patra (@sambitswaraj) November 29, 2025
जिहाद के नाम पर जिस प्रकार से लोगों ने भारत में ही नहीं, बल्कि भारत के बाहर भी आतंक फैलाया है, वह हमने देखा है। pic.twitter.com/PuP79owHv1
સુપ્રીમ કોર્ટ આ નિવેદનનું જાતે જ સંજ્ઞાન લે
આ ઉપરાંત સંબિત પાત્રાએ જણાવ્યું કે મૌલાના મદનીએ સુપ્રીમ કોર્ટની પણ ટીકા કરતા કહ્યું કે કોર્ટ સરકારી દબાણ હેઠળ કામ કરે છે. સુપ્રીમ કોર્ટ આ દેશની સર્વોચ્ચ સંસ્થા છે. તેના વિશે આવી ટિપ્પણીઓ ફક્ત સંસ્થાને નબળી પાડવાનો પ્રયાસ છે. હું ઈચ્છું છું કે સુપ્રીમ કોર્ટ આ નિવેદનનું
જાતે જ સંજ્ઞાન લે.
મહમૂદ મદનીએ રાજકીય વાતાવરણ પર સવાલ ઉઠાવ્યા
ઉલ્લેખનીય છે કે, જમિયત ઉલેમા-એ-હિંદના અધ્યક્ષ મૌલાના મહમૂદ મદનીએ ભોપાલમાં એક કાર્યક્રમ દરમિયાન તાજેતરના કેટલાક ન્યાયિક નિર્ણયો અને દેશના વર્તમાન રાજકીય વાતાવરણ પર ગંભીર સવાલો ઉઠાવ્યા છે. મૌલાના મદનીએ જણાવ્યું હતું કે, “બાબરી મસ્જિદ અને ત્રિપલ તલાક કેસ જેવા મહત્ત્વપૂર્ણ કેસોમાં લેવામાં આવેલા નિર્ણયો સૂચવે છે કે અદાલતો સરકારના દબાણ હેઠળ કામ કરી રહી છે.
લઘુમતીઓના બંધારણીય અધિકારોનું સ્પષ્ટ ઉલ્લંઘન
કોર્ટના ઘણા નિર્ણયોએ લઘુમતીઓના બંધારણીય અધિકારોનું સ્પષ્ટ ઉલ્લંઘન કર્યું છે. 1991ના ઉપાસના સ્થળ અધિનિયમ છતાં અન્ય કેસોમાં લેવાયેલા પગલાં તેનું ઉદાહરણ છે. સુપ્રીમ કોર્ટને ત્યાં સુધી જ ‘સુપ્રીમ’ કહી શકાય છે, જ્યાં સુધી ત્યાં બંધારણ સલામત છે. જો આવું નથી થતું, તો તે આ નામની હકદાર રહેતી નથી.
જેહાદ શબ્દના દુરુપયોગ બદલ સરકાર અને મીડિયાની ટીકા
મહમૂદ મદનીએ જેહાદ શબ્દના દુરુપયોગ બદલ સરકાર અને મીડિયાની આકરી ટીકા પણ કરી છે. મહમૂદ મદનીએ કહ્યું કે, આજે સરકાર અને મીડિયા દ્વારા એક પવિત્ર શબ્દને સંપૂર્ણપણે ખોટી રીતે વિશ્વ સમક્ષ રજૂ કરવામાં આવી રહ્યો છે.
જેહાદને “લવ જેહાદ,થૂંક જેહાદ, અને લેન્ડ જેહાદ જેવા શબ્દો સાથે જોડીને બદનામ કરવામાં આવી રહ્યો છે, જ્યારે જેહાદ હંમેશા બીજાઓના ભલા અને ભલાઈ માટે જ કરવામાં આવે છે.” મદનીએ ભારપૂર્વક જણાવ્યું કે, “જ્યાં પણ જુલમ હશે, ત્યાં જેહાદ હશે.
